लोहारा तालुक्यातील करवंजी येथे रामा यशोदा फाऊंडेशनच्या वतीने इयत्ता १० वी व १२ परीक्षेत यश प्राप्त केलेल्या गुणवंत विद्यार्थ्यांचा सत्कार समारंभ आयोजित करण्यात आला होता.
या कार्यक्रमाच्या अध्यक्षस्थानी पोपट हाक्के हे होते. यावेळी प्रमुख पाहुणे म्हणून ऍड. दादासाहेब जानकर उपस्थित होते. या कार्यक्रमासाठी दिग्विजय साठे, माजी सरपंच बिभीषण हाक्के, काशिनाथ देवकर, आप्पा हाक्के, रामा यशोदा फाऊंडेशनचे अध्यक्ष अजय हाक्के, बाबा पांढरे, हणमंत मुगळे, केरनाथ सलगर, बळीराम देवकर, जगन्नाथ पाटील, सगर सर, भरत सुर्यवंशी, गिरीधर हाक्के, गावातील ज्येष्ठ नागरिक, युवक व विद्यार्थी उपस्थित होते. यावेळी उपस्थित मान्यवरांनी गुणवंत विद्यार्थ्यांचे अभिनंदन केले व पुढील शैक्षणिक वाटचालीसाठी मार्गदर्शन केले.
