लोहारा तालुक्यातील माळेगाव येथील जिल्हा परिषद प्राथमिक शाळेच्या शालेय व्यवस्थापन समिती अध्यक्षपदी श्रीधर गर्जे यांची फेरनिवड तर उपाध्यक्षपदी ज्योती कुंभार यांची निवड करण्यात आली.
या निवडीवेळी पालक उपस्थित होते. उपस्थितांमधून सदस्य निवडण्यात आले व त्यानंतर सदस्यामधून अध्यक्ष व उपाध्यक्षाची निवड करण्यात आली. शाळेच्या भौतिक व शैक्षणिक विकासासाठी शालेय समितीचे महत्त्व, सदस्यांच्या जबाबदाच्या व कर्तव्य याविषयी शाळेचे मुख्याध्यापक आर.बी. क्षीरसागर यांनी मार्गदर्शन केले. सर्व घटकांना सोबत घेऊन शाळेचा व गावचा विकास साधण्यासाठी समितीने काम करावे असे सांगितले. शाळेच्या सांस्कृतिक, शैक्षणिक, किडा व विविध सहशालेय उपक्रम यामध्ये शालेय समितीची महत्त्वपूर्ण जबाबदारी असल्याचे सहशिक्षक पंडीत राठोड यांनी सांगितले. यापुढे सर्वांनी बैठकीला उपस्थित राहून गुणवत्ता वाढीला सहकार्य करण्याचे ठरले. यावेळी सरपंच वैभव पवार, उपसरपंच, राहुल गर्जे, राजेंद्र औरादे, अमोल पाटील, शरद कुंभार यांच्यासह पालक उपस्थित होते.
