तात्यारावजी मोरे कॉलेज ऑफ फार्मसी महाविद्यालयाच्या विद्यार्थ्यांनी जाणली रुग्णालयाची कार्यपद्धती

वार्तादूत – डिजिटल न्यूज नेटवर्क
उमरगा येथील भारत शिक्षण संस्था संचालित तात्यारावजी मोरे कॉलेज ऑफ फार्मसीच्या औषध निर्माण शास्त्र पदविकेच्या द्वितीय वर्षांच्या विद्यार्थ्यांनी उमरगा शहरातील श्री ओम मल्टीस्पेशालिटी हॉस्पिटलला भेट देऊन येथील विविध विभागाच्या कामकाजाची माहिती घेतली. श्री ओम मल्टीस्पेशालिटी हॉस्पिटलचे डॉ. विश्वेकर यांनी विद्यार्थ्यांना अतिदक्षता कक्षाचे महत्व समजावून सांगितले. निरनिराळ्या आजारांवर देण्यात येणाऱ्या औषध उपचार याविषयी आपले अनुभवी मार्गदर्शन केले. विद्यार्थ्यांचे हित व सर्वांगीण विकासासाठी व उज्वल भविष्यासाठी हा उपक्रम महाविद्यालयाचे प्राचार्य कवलजीत बिराजदार यांच्या मार्गदर्शनाखाली राबविण्यात आला. यावेळी प्रा. सूरज भगत, प्राध्यापिका दिपाली भगत, प्रा. स्नेहल चनशेट्टी, आकाश सूर्यवंशी, वैभव मोरे, गणेश वाघमोडे यांच्यासह महाविद्यालयाचे विद्यार्थी उपस्थित होते.