वार्तादूत – डिजिटल न्युज नेटवर्क
लोहारा तालुक्यातील बेलवाडी येथील जिल्हा परिषद प्राथमिक शाळेत मंगळवारी (दि.२८) राष्ट्रीय विज्ञान दिनानिमित्त विज्ञान अपूर्व मेळाव्याचे आयोजन करण्यात आले. यात विराट राठोड या विद्यार्थ्याने गरिबाचा शावर, ज्ञानेश्वरी जाधव हिने हवा जागा व्यापते, श्वेता भगत हिने रासायनिक पदार्थ, सिद्धी जाधव हिने सार्वजनिक नळ, कृष्णा कांबळे, प्राची चव्हाण यांनी गरीबाचा फ्रिज, प्रसाद शिंदे याने ऑक्सिजनची आवश्यकता असते, सत्यजित गुळवे याने विरघळणारे व न विरघळणारे पदार्थ, वैष्णवी कांबळे, नंदिनी शिरसागर आदी विद्यार्थ्यांनी सहभाग घेतला. यावेळी मुख्याध्यापक परमेश्वर सूर्यवंशी, शिक्षक सुनंदा निर्मळे, मल्लिकार्जुन कलशेट्टी, छाया जाधव उपस्थित होते. शाळेतील सर्व विद्यार्थ्यांनी विज्ञान दिनानिमित्त प्रयोग पाहण्याचा आनंद घेतला.
