वार्तादूत – डिजिटल न्युज नेटवर्क
उमेद महाराष्ट्र राज्य ग्रामीण जिवनोन्नती अभियान तालुका अभियान व्यवस्थापन कक्ष पंचायत समिती लोहारा अंतर्गत किरण महिला प्रभागसंघ माकणी यांच्या वतीने मकर संक्रांत निमित्त स्वयंसहाय्यता समूहातील महिलांनी उत्पादित केलेल्या अस्सल उत्पादनांचे एक दिवसीय विक्री व प्रदर्शन संपन्न झाले.
मंगळवार दि. 10 जानेवारी 2023 रोजी माकणी येथे गटविकास अधिकारी शितल खिंडे यांच्या मार्गदर्शनाखाली व तालुका अभियान व्यवस्थापक अलंकार बनसोडे यांच्या प्रयत्नातून माकणी येथील आठवडी बाजारात मकरसंक्रांतीच्या निमित्ताने महिलांनी बनवलेल्या वस्तूचे विक्री व प्रदर्शन आयोजित करण्यात आले होते.
या प्रदर्शनाचे उद्घाटन माकणीच्या सरपंच स्वाती विठ्ठल साठे व उपसरपंच फुलचंद विठोबा आळंगे यांच्या हस्ते करण्यात आले. या महोत्सवात एकुण ४८ हजार सहाशे रुपयापेक्षा अधिक विक्री झाली. या महोत्सवात महिलांनी उत्स्फूर्त सहभाग घेतला. यावेळी तालुका व्यवस्थापक प्रणिता कटकदौंड, तालुका समन्वयक राहुल मोहरे उपस्थित होते. या विक्री प्रदर्शनासाठी प्रभाग समन्वयक अंतेश्वर माळी व सीआरपी अनिता तुकाराम साठे, अंजली दत्तात्रय साठे, लैला मुरमे, पल्लवी औटे यांनी प्रयत्न केले.
