वार्तादूत – डिजिटल न्युज नेटवर्क
लोहारा तालुक्यातील आष्टाकासार येथे गुरुवारी (दि.११) कृषी विभागाच्या वतीने शेतीशाळा घेण्यात आली. यावेळी उपस्थित शेतकऱ्यांना विविध योजनांची माहिती देण्यात आली.
तालुक्यातील आष्टाकासार येथे कृषी विभागाच्या वतीने या शेतीशाळेचे आयोजन करण्यात आले होते. यावेळी शेतकरी मासिकाचे वाचन करण्यात आले. या शेती शाळेत कृषी सहाय्यक सचिन पवार यांनी शेतकऱ्यांना महाडीबीटी अंतर्गत विविध योजना, एमआरईजीएस अंतर्गत फळबाग, गांडूळ, नॅडेप आदी योजनांमधे शेतकऱ्यांनी प्रस्ताव सादर करावे असे आवाहन केले. तसेच शेतकरी मासिकाचे वाटप सरपंच सुलभा कांबळे यांच्या हस्ते वाटप करण्यात आले. यावेळी ग्रामसेवक मारुती बनशेट्टी, प्रगतशील शेतकरी रवींद्र शिदोरे, जिनेंद्र पाटील, सिद्राम तडकले, खंडू शेरीकर, तुळशीदास कोरे, मुकेश मुळे, अमोल बलसुरे व शेतकरी उपस्थित होते.
