लोहारा तालुक्यातील माकणी प्राथमिक आरोग्य केंद्राला मिळाली नवीन अँबुलन्स

वार्तादूत – डिजिटल न्युज नेटवर्क
लोहारा तालुक्यातील माकणी प्राथमिक आरोग्य केंद्राला नविन अँबुलन्स मिळाली आहे. त्यामुळे माकणी परिसरातील रुग्णांना या सेवेचा लाभ होणार आहे.
लोहारा तालुक्यातील माकणी येथील प्राथमिक आरोग्य केंद्राला नविन अँबुलन्स मिळाली आहे. या नविन अँबुलन्सचे उद्घाटन माकणीचे सरपंच विठ्ठल साठे यांच्या हस्ते सोमवारी (दि.४) करण्यात आले. यावेळी ग्रामपंचायत सदस्य अशोक साठे यांनी अँबुलन्सचे पूजन केले. यावेळी उपसरपंच वामन भोरे, माजी उपसरपंच दादासाहेब मुळे, ग्रामपंचायत सदस्य सरदार मुजावर, गोवर्धन आलमले, बाळू कांबळे, अच्युत चिकंद्रे, वैद्यकीय अधिकारी डॉ. रोहीणी महादवाड, ग्रामविकास अधिकारी शिवानंद बिराजदार, आशा सुपरवायझर राजश्री साळुंके यांच्यासह सर्व कर्मचारी, वाहन चालक गायकवाड आदी उपस्थित होते.

माकणी प्राथमिक आरोग्य केंद्रा अंतर्गत एकुण २३ गावे आहेत. आता नवीन अँबुलन्स मिळाल्याने या गावांतील रुग्णांना याचा फायदा होणार आहे.