लोहारा तालुक्यातील माकणी येथे बसस्थानक परिसरात वृक्षारोपण व माहिती फलकाचे अनावरण

वार्तादूत – डिजिटल न्युज नेटवर्क
लोहारा तालुक्यातील माकणी येथे बसस्थानक परिसरामध्ये आण्णा फाऊंडेशनच्या वतीने रविवारी (दि.१०) वृक्षारोपण करण्यात आले. तसेच माहिती फलकाचे अनावरण करण्यात आले.
लोहारा तालुक्यातील माकणी येथील बसस्थानक परिसरात आण्णा फाऊंडेशनच्या वतीने वृक्षारोपण करण्यात आले. तसेच माकणी बसस्थानकात येणाऱ्या व जाणाऱ्या गाड्यांचे वेळापत्रक लावण्यात आले. यावेळी सरपंच विठ्ठल साठे यांच्या हस्ते वृक्षारोपण करण्यात आले. तंटामुक्त समितीचे अध्यक्ष पंडीत ढोणे यांच्या हस्ते माहीती फलकाचे अनावरण करण्यात आले. यावेळी ग्रा.प.सदस्य अच्युत चिकंद्रे, बाळू कांबळे, आण्णा फाऊंडेशनचे सदस्य गोवर्धन रणदिवे, वैजिनाथ ढोणे, राजेंद्र माने, उमाकांत विभुते, निलेश मोरे, मिनाज पठाण, आण्णासाहेब पंढरपुरे, बाळू कांबळे, सुजित राजपुत तसेच गावातील नागरिक ज्ञानदेव पवार, गणपत तुंगे, बालाजी कोरडे आदी उपस्थित होते.