वार्तादूत – डिजिटल न्युज नेटवर्क
लोहारा तालुक्यातील माकणी ग्रामपंचायतीच्या उपसरपंचपदी वामन वसंत भोरे यांची बिनविरोध निवड करण्यात आली. उपसरपंच पदाच्या निवडीसाठी गुरुवारी ( दि.१) बैठकीचे आयोजित करण्यात आले होते.
लोहारा तालुक्यातील माकणी ग्रामपंचायतीची निवडणूक सन २०१७ ला झाली होती. सरपंच पद हे जनतेतून असल्याने त्यावेळी विठ्ठल साठे यांची सरपंचपदी निवड झाली होती. तर उपसरपंच पद दादासाहेब मुळे यांना देण्यात आले होते. मागील काही महिन्यांपूर्वी उपसरपंच दादासाहेब मुळे यांनी राजीनामा दिल्यामुळे हे पद रिक्त होते. त्यामुळे उपसरपंच निवडीचा कार्यक्रम तहसीलदार संतोष रुईकर यांनी जाहीर केला होता. त्याप्रमाणे गुरुवारी ( दि. १) ग्रामपंचायत सदस्यांच्या विशेष बैठकीचे आयोजन करण्यात आले होते. यावेळी वामन वसंत भोरे यांचा एकमेव अर्ज दाखल झाल्याने वामन भोरे यांची बिनविरोध निवड झाल्याचे अध्यासी अधिकारी किरण निंबाळकर यांनी सांगितले. यावेळी राष्ट्रवादी काँग्रेसचे नेते किशोर साठे, सरपंच विठ्ठल साठे, माजी उपसरपंच दादासाहेब मुळे, ग्रा.प.सदस्य अशोक साठे, गोवर्धन आलमले, सरदार मुजावर, अभिमन्यू कुसळकर, वर्षा साठे, राणी चौरे, छायाबाई जानकर, रत्नमाला कांबळे, अनिता चिकुंद्रे, केशरबाई वाघमारे, ग्रामसेवक डी. एम कुर्ले,तलाठी वाजिद मनियार, लिपीक प्रदिप पाटिल, ग्रा.प.कर्मचारी रणजित साठे, मनोज राजपूत, जीवन कांबळे यांच्या सह गोविंद चव्हाण, गोविंद साठे, पोपट पवार, अँड. दादासाहेब जानकर, अच्युत चिकंद्रे, बाळू कांबळे, विकास कांबळे, गोविंद जाधव, बबलू भोरे, लक्ष्मण भोरे, सचिन भोरे आदी ग्रामस्थ उपस्थित होते. निवड झाल्यानंतर उपस्थित मान्यवरांच्या हस्ते नूतन, माजी उपसरपंचांचा सत्कार करण्यात आला.
