लोहारा शहरात युवासेनेच्या वतीने इंधन दरवाढीच्या निषेधार्थ सायकल फेरी

वार्तादूत – डिजिटल न्युज नेटवर्क
लोहारा तालुका युवासेनेच्या वतीने रविवारी (दि.३१) इंधन दरवाढीच्या निषेधार्थ लोहारा शहरातील छत्रपती शिवाजी महाराज चौक ते डॉ. बाबासाहेब आंबेडकर चौकादरम्यान सायकल फेरी काढून केंद्र सरकारचा निषेध करण्यात आला. यावेळी जोरदार घोषणाबाजी करण्यात आली.केंद्र सरकारने केलेल्या इंधन दरवाढी विरोधात युवासेनेच्या वतीने सायकल रॅली काढत निषेध व्यक्त करण्यासाठी आंदोलन आयोजित करण्यात आले होते. यावेळी खासदार ओमप्रकाश राजेनिंबाळकर, आमदार ज्ञानराज चौगुले, शिवसेना जिल्हाप्रमुख तथा आमदार कैलास पाटील, शिवसेना तालुकाप्रमुख मोहन पणुरे, युवासेना तालुकाप्रमुख अमोल बिराजदार, माजी तालुकाप्रमुख ज्ञानेश्वर सुर्यवंशी, माजी नगरसेवक अभिमान खराडे, अमिन सुंबेकर, महेबुब फकीर, श्रीकांत भरारे, माजी नगरसेवक शाम नारायणकर, परवेज तांबोळी, जिल्हा सहकार बोर्ड संचालक अविनाश माळी, सरपंच नामदेव लोभे, महेबुब गवंडी, शिवराज चिनगुंडे, कुलदिप गोरे, सचिन गोरे, प्रमोद बंगले, दत्ता मोरे, कुर्बान खुट्टेपड, धर्मवीर जाधव, प्रेम लांडगे यांच्यासह पदाधिकारी, कार्यकर्ते उपस्थित होते. यावेळी इंधन दरवाढीच्या निषेधार्थ जोरदार घोषणाबाजी करण्यात आली.