सेवानिवृत्त सैनिक प्रकाश मुळे यांचे लोहाऱ्यात जंगी स्वागत

आपले कर्तव्य बजावून सेवानिवृत्त झालेल्या भारतीय सैन्य दलातील सैनिकाचे लोहारा शहरात आगमन होताच पुष्पहार घालून स्वागत करत करण्यात आले. यावेळी आयोजित कार्यक्रमात मित्र परिवार व शहरवासीयांनी त्यांचा यथोचित सत्कार केला.
लोहारा शहरातील प्रकाश कोंडप्पा मुळे हे भारतीय सैन्य दलात सैनिक म्हणून कार्यरत होते. देशसेवेचे कर्तव्य पार पाडून रविवारी ३० एप्रिल रोजी रांची येथील सैन्यदल विभागातुन सेवानिवृत्त झाले. मंगळवारी (दि. २ मे) त्यांचे शहरात आगमन झाले.

यावेळी शहरातील बसस्थानक समोर स्वागत करत शहरवासीयांच्या वतीने छत्रपती शिवाजी महाराज चौकात सपत्नीक सत्कार करण्यात आला. त्यानंतर बँन्ड लावुन छत्रपती शिवाजी महाराज चौकापर्यंत मिरवणूक काढण्यात आली. या मिरवणुकीनंतर आयोजित कार्यक्रमात मित्र परिवार व शहरवासीयांनी प्रकाश मुळे यांचा शाल, फेटा, पुष्पहार व भेटवस्तू देऊन सत्कार केला. तसेच त्यांच्या पुढील जीवनासाठी शुभेच्छा दिल्या. या कार्यक्रमासाठी माजी पंचायत समिती सदस्य चंद्रकांत पाटील, विठ्ठल वचने, नगरसेवक विजयकुमार ढगे, प्रशांत काळे, आरिफ खानापुरे, काँग्रेसचे शहराध्यक्ष एैनोद्दीन सवार, रौफ बागवान, गजानन मुक्तेदार, डॉ. कुंदन माकणे, विस्तार अधिकारी भास्कर बेशकराव, इस्माईल मुल्ला, नाना पाटील, गिरीश भगत, सुलेमान सौदागर, नागेश जट्टे, गोपाळ सुतार, सलीम शेख, बापूसाहेब जट्टे, हरी लोखंडे, कमलाकर मुळे, जे. के. बायस, माणिक चिकटे, मल्लिनाथ घोंगडे, बलभीम पाटील, नितीन रसाळ, दगडू हासुरे दीपक मुळे, माजी नगराध्यक्षा ज्योती मुळे, सुधाकर मुळे, अविनाश मुळे, सुरेश मुळे आदीसह शहरवासीयांची यावेळी उपस्थिती होती. कार्यक्रमाचे प्रास्ताविक जे. के. बायस यांनी तर नगरसेवक दीपक मुळे यांनी आभार मानले.