उमरगा येथे जिजाऊ ब्रिगेडची आढावा बैठक संपन्न – जिल्हाध्यक्षा चव्हाण यांची उपस्थिती

वार्तादूत – डिजिटल न्युज नेटवर्क
उमरगा येथे मंगळवारी ( दि. २३) जिजाऊ ब्रिगेडची आढावा बैठक जिल्हाध्यक्षा बाबई (सुजाता) चव्हाण यांच्या प्रमुख उपस्थितीत घेण्यात आली. यावेळी जिल्हाध्यक्षा चव्हाण यांनी पदाधिकाऱ्यांच्या प्रश्नांचे निरसन करून प्रत्येक पदाचे कामाची जबाबदारी प्रत्येक पदाधिकाऱ्यांवर सोपवली. तसेच कामाबद्दल मार्गदर्शनही केले. तसेच जिजाऊ ब्रिगेडच्या जिल्हा प्रवक्ता रेखाताई सुर्यवंशी यांच्या शिवशाही या काव्यसंग्रहाचे मुख्यमंत्र्यांच्या हस्ते प्रकाशन झाल्यामुळे त्यांचा जिल्हाध्यक्षाच्या वतीने सन्मान करण्यात आला.

जिजाऊ ब्रिगेडच्या तालुकाध्यक्षा रेखाताई पवार यांना पुरस्कार मिळाल्याबद्दल त्यांचाही सन्मान करण्यात आला. तसेच जिजाऊ ब्रिगेडच्या तालुका सचिव मंजुषाताई चव्हाण यांना राज्यमंत्र्यांच्या हस्ते शिवभूषण पुरस्कार मिळाल्याबद्दल त्यांचाही सन्मान करण्यात आला.

जिजाऊ ब्रिगेडच्या जिल्हाध्यक्ष बाबई (सुजाता) ताई चव्हाण यांचा सत्कार उमरगा जिजाऊ ब्रिगेडच्या वतीने करण्यात आला.
यावेळी जिजाऊ ब्रिगडच्या जिल्हाध्यक्षा बाबई (सुजाता) चव्हाण, जिल्हा कार्याध्यक्ष सूनंदाताई माने, जिल्हा संघटक मीनाक्षीताई दुबे, जिल्हा प्रवक्त्या रेखाताई सुर्यवंशी, तालुकाध्यक्षा रेखाताई पवार, तालुका सचिव मंजुषाताई चव्हाण, तालुका उपाध्यक्षा संध्याताई शिंदे, तालुका कार्याध्यक्षा लताताई भोसले, राऊताई भोसले, रंजना जाधव, सिंधुताई माने (बडूरे), ज्योती कावळे, श्रीदेवी बिराजदार, अल्का बिराजदार व शुभांगी बिराजदार उपस्थित होत्या.