उस्मानाबाद पोलीस दलात आंतरराष्ट्रीय योग दिन साजरा व रक्तदान शिबीर संपन्न

पोलीस अधीक्षक कार्यालय, उस्मानाबाद व जिल्हा विधी सेवा प्राधिकरण, उस्मानाबाद यांच्या संयुक्त विद्यमाने पोलीस मुख्यालय मैदान, उस्मानाबाद येथे बुधवारी (दि. 21) आंतरराष्ट्रीय योग दिवस साजरा करण्यात आला.
भारतीय प्राचीन संस्कृती, परंपरा यांमध्ये योग, योगासने, योगसाधना यांना अनन्य साधारण महत्त्व आहे. अगदी प्राचीन काळापासून ऋषीमुनी, साधुसंत यांनी वेळोवेळी योगाचे महत्त्व, त्याचे फायदे आणि त्याची गरज पटवून दिलेली आहे. आजच्या काळातील धकाधकीच्या जीवनात योगाच्या माध्यमातून आपण आपले शरीर तर तंदरुस्त ठेवू शेकतोच शिवाय मनावरही चांगले संस्कार करु शकतो. तन आणि मन यांचा एकत्रित व्यायाम म्हणजे योग, असे म्हणता येईल.

आंतराष्ट्रीय योग दिवस हा दरवर्षी 21 जून रोजी भारतातच नव्हे तर जगभरात साजरा केला जातो. याच पार्श्वभुमीतून उस्मानाबाद जिल्हा पोलीस दलात पोलीस मुख्यालय, पोलीस उपविभागीय कार्यालये व सर्व पोलीस ठाणी स्तरावर योग दिन साजरा करण्यात आला. तसेच या निमीत्ताने उस्मानाबाद पोलीस व बार्शी येथील श्रीमान रामभाई शहा रक्तपेढी यांच्या संयुक्त विद्यमाने पोलीस मुख्यालयातील अलंकार सभागृहात रक्तदान शिबीराचे ही आयोजन करण्यात आले होते.

सदर कार्यक्रमास मा. पोलीस अधीक्षक श्री. अतुल कुलकर्णी मा. अपर पोलीस अधीक्षक श्री. नवनीत काँवत मा. प्रमुख जिल्हा व सत्र न्यायाधीश, श्रीमती ए.एस शेंडे, जिल्हा न्यायाधिश-1 उस्मानाबाद श्री. आर. एस. गुप्ता, अध्यक्ष बार कॉन्सिल महाराष्ट्र व गोवा श्री. एस. एस. पाटील, अध्यक्ष जिल्हा विधीज्ञ मंडळ, उस्मानाबाद श्री. एस.आर. मुंढे, योग प्रशिक्षक श्रीमती प्रभा भानुशाली यांसह जिल्हा पोलीस दलातील अधिकारी- अंमलदार उपस्थितीत होते.