वार्तादूत – डिजिटल न्युज नेटवर्क
लोहारा तालुक्यातील धानुरी येथील विद्यामाता इंग्लिश स्कुल मधील विद्यार्थ्यांनी बारामती येथे आयोजित राज्यस्तरीय विज्ञान प्रदर्शनात यश संपादन केले आहे.
बारामती येथे राज्यस्तरीय विज्ञान प्रदर्शन आयोजित करण्यात आले होते. या प्रदर्शनात तालुक्यातील धानुरी येथील विद्यामाता इंग्लिश स्कुल मधील इयत्ता सहावी व सातवीतील विद्यार्थ्यांनी सहभागी होऊन प्रयोगाचे सादरीकरण केले. सदरील विद्यार्थ्यांना गोल्ड मेडल देण्यात आले आहे. त्याबद्दल विद्यामाता इंग्लिश स्कुल मध्ये सत्कार करण्यात आला. स्कुलच्या मुख्याध्यापिका हिरा सोलापुरे हावळे यांनी सदरील विद्यार्थ्यांचे कौतुक केले. विज्ञान विषयाच्या शिक्षिका अनुजा कुलकर्णी यांनाही गोल्ड मेडल व सर्टिफिकेट देण्यात आले. यावेळी सुनिता सलगरकर, लता पाटील, सोमनाथ कुसळकर, आशा चौरे, मनिषा जेवळे आदींसह विद्यार्थी उपस्थित होते. यश मिळविलेल्या विद्यार्थ्यांचे कौतुक केले जात आहे.
