लोहारा तालुक्यातील कास्ती (खुर्द) येथे गणवेश वाटप व सत्कार सोहळा संपन्न

वार्तादूत – डिजिटल न्युज नेटवर्क
लोहारा तालुक्यातील कास्ती (खुर्द) येथील जिल्हा परिषद प्राथमिक शाळेत शुक्रवारी (दि.२५) गणवेश वाटप आणि सत्कार सोहळ्याचे आयोजन करण्यात आले होते.
शालेय व्यवस्थापन समितीचे अध्यक्ष विरभद्र पाटील यांच्या अध्यक्षतेखाली हा कार्यक्रम घेण्यात आला. यावेळी सरपंच सागर पाटील, उपसरपंच इंद्रजीत लोभे यांची प्रमुख उपस्थिती होती. या कार्यक्रमात सामाजिक बांधिलकी राखत शाळेस लाकडी कपाट भेट देऊन सहकार्य करणारे लोहारा शहरातील व्यावसायिक शरद पवार यांचा शाळा व ग्रामपंचायत यांच्या संयुक्त विद्यमाने सत्कार करण्यात आला. तसेच तालुका आदर्श शिक्षक पुरस्कार मिळाल्याबद्दल शिक्षक रसूल शेख यांचाही सत्कार करण्यात आला. यानंतर समग्र शिक्षा अभियानांतर्गत प्राप्त झालेल्या गणवेशाचे वाटप शालेय व्यवस्थापन समितीचे अध्यक्ष, उपाध्यक्ष, सर्व सदस्य तसेच सरपंच, उपसरपंच आणि गावातील प्रतिष्ठित नागरिक यांच्या हस्ते करण्यात आले.या कार्यक्रमासाठी सरपंच सागर पाटील, उपसरपंच इंद्रजीत लोभे, शालेय व्यवस्थापन समितीचे अध्यक्ष विरभद्र पाटील, उपाध्यक्षा दिपाली गोरे, काशीबाई सारणे, विजयाताई बारगळ, गणेश जगदाळे, नामदेव गोरे, प्रतिष्ठित नागरिक बसवराज पाटील, विनोद भंडारे, रवी कदम, मुख्याध्यापक पाशा शेख यांच्यासह शिक्षक, विद्यार्थी उपस्थित होते.