लोहारा शहरातील श्री बसवेश्वर गणेश मित्र मंडळाच्या गणेशमूर्तीची बुधवारी (दि.३१) शहरातून भव्य मिरवणूक काढण्यात आली.
शहरातील श्री बसवेश्वर गणेश मित्र मंडळाच्या वतीने चांदीच्या मूर्तीची प्रतिष्ठापना करण्यात येते. यावर्षीही या मंडळाकडून पर्यावरण पूरक असणाऱ्या चांदीच्या गणेशमूर्तीची प्रतिष्ठापना करण्यात आली आहे. त्यापूर्वी शहरातील जगदंबा मंदिर, आंबेडकर चौक ते छत्रपती शिवाजी महाराज चौक मार्गे गणेश मंडळाच्या स्टेज पर्यंत मिरवणूक काढण्यात आली. तालुक्यातील हराळी येथील ज्ञान प्रबोधिनीच्या बरची पथकाने यावेळी उपस्थितांची लक्ष वेधले. ढोल ताशांच्या गजरात ही मिरवणूक काढण्यात आली.
यावेळी अध्यक्ष वैजीनाथ माणीकशेटी, उपाध्यक्ष संतोष फावडे, सचिव रामेश्वर वैरागकर, विरेश स्वामी, योगेश स्वामी, आपु स्वामी, विरभद्र फावडे, दयानंद स्वामी, शशांक पाटील, विजय स्वामी, सचिन स्वामी, वैभव माणीकशेटी, प्रसाद जटटे, सुमित फावडे, सागर स्वामी, राजेंद्र स्वामी,पापु बोराळे, धनराज फरीदाबादकर, रवी नरुणे, गणेश हिप्परगेकर, प्रविण संगशेटी, प्रशांत माळवदकर, बाळु माशाळकर आदी उपस्थित होते.
