शिवसेना पक्षप्रमुख तथा माजी मुख्यमंत्री उद्धव बाळासाहेब ठाकरे यांच्या वाढदिवसानिमित्त लोहारा तालुका शिवसेनेच्या वतीने शालेय विद्यार्थाना फळे व खाऊ वाटप

शिवसेना पक्षप्रमुख तथा माजी मुख्यमंत्री उद्धव बाळासाहेब ठाकरे यांच्या वाढदिवसानिमित्त लोहारा तालुका शिवसेनेच्या वतीने गुरुवारी (दि.२७० लोहारा शहरातील शालेय विद्यार्थाना फळे व खाऊ वाटप करण्यात आला.
ईरसाळवाडी येथे झालेल्या दुर्घटनेमुळे उद्धव ठाकरे यांनी कोठेही बॅनरबाजी, अतिउत्साही प्रकारे वाढदिवस साजरा न करण्याच्या दिलेल्या आदेशाप्रमाणे होणारा अनावश्यक खर्च टाळुन लहान मुलांना फळे वाटप करण्यात आल्याचे पदाधिकारी यांनी सांगितले. ठाकरे यांच्या वाढदिवसानिमित्त लोहारा शहरातील केंद्रिय प्राथमिक शाळा व कै. वसंतराव काळे माध्यमिक विद्यालय लोहारा येथे जवळपास १००० विद्यार्थाना फळे व खाऊचे वाटप शिवसेना उद्धव बाळासाहेब ठाकरे पक्षाच्या वतीने करण्यात आले. यावेळी शिवसेना तालुकाप्रमुख अमोल बिराजदार यांनी विद्यार्थ्यांना संबोधित केले. महाराष्ट्राचे माजी मुख्यमंत्री उद्धव ठाकरे यांनी कोरोना काळात केलेले कार्य, मुंबईतील कोरोना काळातील धारावी पॅटर्नचा आदर्श जगभरात कसा घेण्यात आला. मुख्यमंत्री म्हणुन कार्य करताना भारतातील ५ आदर्श मुख्यमंत्र्यांमध्ये उद्धव साहेबांचा नंबर, त्यांनी जनतेला आपण कुटुंबप्रमुख म्हणुन सांभाळल्याचाही उल्लेख यावेळी बोलताना त्यांनी केला.

यावेळी शिवसेना तालुकाप्रमुख अमोल बिराजदार, पंचायत समितीचे माजी सभापती विलास भंडारे, शिवसेना शहरप्रमुख सलिम शेख, माजी उपनगराध्यक्ष प्रताप घोडके, माजी नगरसेवक शाम नारायणकर, माजी ग्रा.पं.सदस्य महेबुब गवंडी, सोशल मिडीया तालुका प्रमुख प्रेम लांडगे, नागराळचे शाखाप्रमुख पिंटु गोरे, बेंडकाळचे शाखाप्रमुख अनिल गोरे, माजी सदस्य वि.का. से. सो. रघुविर घोडके, माजी उपसरपंच मोघा नितीन जाधव, दिनेश गरड, महेश चपळे, थोरात, जि.प. शाळेचे मुख्याध्यापक मधुकर रोडगे, पांढरे सर, साळुंखे सर, राठोड मॅडम, कै. वसंतराव काळे माध्यमीक विद्यालयाचे मुख्याध्यापक पंडीत खराडे, समाधान मोरे, शेवाळे मॅडम यासह दोन्ही शाळेचे शिक्षक, कर्मचारी यासह शिवसैनिक उपस्थित होते.