आजच्या ऑनलाईनच्या युगात प्रत्येक आईने मुलांवर संस्कार करण्यासाठी जिजाऊ बनने ही काळाची गरज आहे – जिजाऊ ब्रिगेडच्या जिल्हा उपाध्यक्षा वंदना भगत

वार्तादूत – डिजिटल न्युज नेटवर्क
लोहारा येथील न्यू व्हिजन इंग्लिश स्कूलमध्ये छत्रपती शिवाजी महाराज यांच्या जयंतीनिमित्त शुक्रवारी (दि.१८) कार्यक्रमाचे आयोजन करण्यात आले होते. या कार्यक्रमात स्कूलमधील विद्यार्थ्यांनी शिवरायांची वेशभूषा करून छत्रपती शिवरायांच्या जीवनावर आधारित पोवाडा, पाळणा, आणि गीत सादर करून उपस्थितांची मने जिंकली.
या कार्यक्रमाच्या अध्यक्षस्थानी प्राचार्य शहाजी जाधव हे होते. या कार्यक्रमासाठी जिजाऊ ब्रिगेडच्या जिल्हा उपाध्यक्षा वंदना भगत, नगरसेविका आरती गिरी, प्रा. यशवंत चंदनशिवे, पालक प्रतिनिधी रमेश वाघुले, सतीश गिरी, संचालिका सविता जाधव यांची प्रमुख उपस्थिती होती. कार्यक्रमाच्या सुरुवातीस मान्यवरांच्या हस्ते छत्रपती शिवाजी महाराज यांच्या प्रतिमेचे पूजन करण्यात आले. त्यानंतर स्कुलतर्फे मान्यवरांचे शाल, पुस्तक व पुष्पगुच्छ देऊन सत्कार करण्यात आले. यावेळी स्कूलमधील विद्यार्थ्यांनी छत्रपती शिवरायांच्या वेशभूषा करून छत्रपती शिवरायांच्या जीवनावर आधारित पोवाडा, पाळणा आणि गीत सादर करून उपस्थितांची मने जिंकली. तसेच विद्यार्थ्यांनी आपले विचार व मनोगत व्यक्त केले. आजच्या ऑनलाईनच्या युगात प्रत्येक आईने आपल्या मुलांवर संस्कार करण्यासाठी जिजाऊ बनने ही काळाची गरज आहे असे प्रतिपादन करत जिजाऊ ब्रिगेडच्या जिल्हा उपाध्यक्ष वंदना भगत यांनी उपस्थित विद्यार्थ्यांना मार्गदर्शन केले.यावेळी स्कूलमधील शिक्षक सिद्धेश्वर सुरवसे, परमेश्वर जाधव, व्यंकटेश पोतदार, हारून हेड्डे, सोनाली रसाळ, शिवानी बिडवे, मयुरी नारायणकर, सोनाली बिडवे, मुस्कान मासुलदार यांच्यासह महिला मोठ्या संख्येने उपस्थित होत्या. कार्यक्रमाचे सूत्रसंचालन सविता जाधव यांनी तर मीरा माने यांनी आभार मानले.