वार्तादूत – डिजिटल न्युज नेटवर्क
उस्मानाबाद येथे मंजूर झालेल्या मेडिकल कॉलेजला भाई उद्धवराव (दादा) पाटील यांचे नाव द्यावे अशी मागणी आमदार रोहित पवार यांच्याकडे भाई उद्धवराव पाटील विचार मंचाची वतीने दिलेल्या निवेदनाद्वारे करण्यात आली आहे.
आमदार रोहित पवार गुरुवारी (दि.२१) उस्मानाबाद शहरात आले होते. भाई उद्धवराव पाटील यांच्या १०१ व्या जयंतीनिमित्त आयोजित कोविड योध्याचा सत्कार व व्याख्यानाच्या कार्यक्रमासाठी आमदार रोहित पवार आले होते. यावेळी बदलत्या काळातील राजकारणातील संधी व आव्हाने या विषयावर आमदार रोहित पवार यांनी सविस्तर मार्गदर्शन केले. या कार्यक्रमाच्या अध्यक्षस्थानी जिल्हाधिकारी कौस्तुभ दिवेगावकर हे होते. यावेळी आमदार संजय शिंदे यांची प्रमुख उपस्थिती होती. या कार्यक्रमात आमदार रोहित पवार यांच्या हस्ते कोविड योध्याचा सत्कार करण्यात आला. यावेळी भाई उद्धवराव पाटील विचार मंचच्या वतीने निवेदन देण्यात आले. काही दिवसांपूर्वी उस्मानाबाद येथे नवीन मेडिकल कॉलेज मंजूर झाले आहे. या महाविद्यालयाला भाई उद्धवराव (दादा) पाटील यांचे नाव द्यावे अशी उस्मानाबादकरांची मागणी आहे. त्यामुळे या कॉलेजला भाई उद्धवराव पाटील यांचे नाव देण्यात यावे अशी मागणी या निवेदनाद्वारे करण्यात आली आहे.
