ऊसतोड कामगारांची नोंदणी करण्यात यावी – एआयएम ट्रस्टची निवेदनाद्वारे मागणी

ऊसतोड कामगारांची नोंदणी करण्यात यावी या मागणीसाठी एआयएम या सामाजिक संस्थेने गटविकास अधिकारी शितल खिंडे यांना निवेदन दिले.
या निवेदनात म्हटले आहे की, एआयएम ट्रस्ट ही एक सामाजिक संस्था असून ही समाजातील गरीब घटक व आपल्या कामानिमित्त हंगामी स्थलांतर होत असणारे ऊसतोड कामगारांच्या न्याय, हक्क, स्त्री पुरुष समानता, महिला आरोग्य व शिक्षण या विभागात काम करीत असून दि. ६ व ७ जुलै रोजी लोहारा येथे दोन दिवसांचे कामगार हक्क प्रशिक्षण घेण्यात आले. सन २०२०- २१ च्या जीआर नुसार ऊसतोड कामगार यांची नोदणी ऊसतोड कामगार म्हणुन करण्यात यावी, जेणे करून त्यांना ऊसतोड कामगार म्हणून ओळख निर्माण होईल. त्याच बरोबर वेगवेगळ्या सरकारी योजनांचा त्यांना या ओळखपत्राच्या माध्यमातुन लाभ घेता येईल जसे की आरोग्य, मुलांसाठी शिक्षण, शेती सलग्न इत्यादि गोष्टी चा त्यांना लाभ मिळेल.

या सर्व बाबींचा विचार करता एआयएम ट्रस्टच्या माध्यमातून जवळपास २५ ऊसतोड कामगारांनी लोहारा पंचायत समितीच्या गटविकास अधिकारी शितल खिंडे यांना ऊसतोड कामगारांचे लवकरात लवकर ऊसतोड कामगार यांची नोदणी करण्यात यावी या मागणीचे निवेदन देण्यात आले.