माजी खासदार प्रा. रविंद्र गायकवाड यांच्या वाढदिवसानिमित्त केले नेबुलायजर मशीन व सॅनिटायझरचे मोफत वाटप – लोहारा तालुका मेडिकल असोसिएशनचे अध्यक्ष भरत सुतार यांचा उपक्रम

वार्तादूत – डिजिटल न्युज नेटवर्क
उस्मानाबादचे माजी खासदार प्रा. रविंद्र गायकवाड यांच्या वाढदिवसानिमित्त लोहारा तालुका मेडिकल असोसिएशन अध्यक्ष भरत सुतार यांनी नागरिकांना अत्यावश्यक असलेले नेबुलायजर (वाफ घेण्याची) मशीन व सॅनिटायझरचे मोफत वाटप केले. गुरुवारी (दि.२९) रात्री हा कार्यक्रम संपन्न झाला.
लोहारा शहरातील प्रभाग क्रमांक १७ मध्ये जवळपास १०० कुटुंबाला नेबुलायजर (वाफ घेण्याची) मशीन व सॅनिटायझरचे मोफत वाटप करण्यात आले. कोरोनाचा संसर्ग दिवसेंदिवस वाढतच आहे. सर्दी, ताप, खोकला, श्वास घ्यायला त्रास होणे यासारखी लक्षणे नागरिकांमध्ये जाणवतं आहेत. त्यामुळे समाजसेवा हे उद्दिष्ट डोळ्यासमोर ठेवून तसेच माजी खासदार प्रा. रविंद्र गायकवाड यांच्या वाढदिवसानिमित्त हा सामाजिक उपक्रम राबविला असल्याचे लोहारा तालुका मेडिकल असोसिएशन अध्यक्ष भरत सुतार यांनी सांगितले. तसेच घरातील लहान मोठ्यांनी या मशीनची वाफ रोज सकाळी व संध्याकाळी घेतली तर सर्दी, खोकला, घसा खवखवणे, श्वास घेण्यास त्रास होणे इत्यादी संसर्गाची लक्षणेची तीव्रता कमी होते, ही मशीन कशी वापरावी, लहान मुलांना कधीही एकटे वाफ घेऊ देऊ नका, कोरोना हा संसर्गजन्य आजार असल्यामुळे सर्वानी शक्य तेवढे डिस्टन्स पाळा व आपली काळजी आपणच घ्यावी असे आवाहन लोहारा तालुका आरोग्य अधिकारी डॉ. अशोक कटारे यांनी यावेळी मार्गदर्शन करताना केले.

यावेळी युवासेना तालुकाप्रमुख अमोल बिराजदार, नगरसेवक शाम नारायणकर, शिवसेना शहरप्रमुख सलीम शेख, कोब्रा बहुद्देशीय सामाजिक प्रतिष्ठानचे अध्यक्ष दत्ता निर्मळे, माजी पं स सदस्य सुधीर घोडके, महेबूब गवंडी, संतोष क्षिरसागर, व्यंकट चिकटे, बाळासाहेब घोडके, ज्ञानेश्वर काडगावे, अक्षय घोडके, समर्थ मुरमे, बसवेश्वर चिकटे, शंकर माळी, संदीप स्वामी, नितीन चिकटे, शिवा सुतार, अमोल माळी, दत्ता माळी, दिनेश माळी, नाना वाघ, सतीश माळी, गोविंद घोडके, धोंडीराम माळी, मैनू बागवान, विश्वनाथ माळी, रहीम जेवळे आदी उपस्थित होते. कार्यक्रमाचे सूत्रसंचालन भिमाशंकर डोकडे यांनी केले. सोशल डिस्टनसिंगच्या नियमांचे पालन करत हा कार्यक्रम घेण्यात आला.