मुरूम येथील माधवराव पाटील महाविद्यालयाच्या खेळाडूंनी मिळविले घवघवीत यश

उमरगा / सुमित झिंगाडे
डॉ. बाबासाहेब आंबेडकर मराठवाडा विद्यापीठाच्या वतीने उस्मानाबाद येथील व्यंकटेश महाविद्यालयात मंगळवारी (ता. १) रोजी आयोजित केलेल्या वैयक्तिक मैदानी क्रीडा स्पर्धा पार पडल्या. यावेळी मुरुम ता. उमरगा येथील श्री माधवराव पाटील महाविद्यालयाचे खालील खेळाडूंनी उस्मानाबाद जिल्ह्यातून घवघवीत यश संपादन करुन अनेक पदके पटकावली. यामध्ये पवार अभिजीत- ४०० मीटर धावणे व भालाफेक (प्रथम), बळगानुरे अमरनाथ- ८०० व ५००० मीटर धावणे (तृतीय), भोकले मुनेश- १५०० मीटर धावणे (प्रथम) व ५००० मीटर धावणे (द्वितीय), भोकले राधेश- २०० व १५०० मीटर धावणे (द्वितीय) व ४ बाय ४०० मीटर धावणे रीले रेस (प्रथम), कुमारी सोनाली पवार- भालाफेक (प्रथम), कुमारी लक्ष्मी गुंजोटे- ५००० मीटर धावणे प्रथम क्रमांक पटकावला. त्यांच्या या यशाबद्दल महाराष्ट्र प्रदेश काँग्रेस कमिटीचे कार्याध्यक्ष बसवराज पाटील, जिल्हा बँकेचे अध्यक्ष बापूराव पाटील, महाराष्ट्र युवक काँग्रेसचे उपाध्यक्ष शरणजी पाटील, संस्थेचे सचिव व्यंकटराव जाधव गुरुजी, प्राचार्य डॉ. अशोक सपाटे आदींनी त्यांचे विशेष अभिनंदन करून सत्कार केला. या सर्व खेळाडूंना क्रीडा विभाग प्रमुख प्रा. डॉ. भिलसिंग जाधव व प्रा. नारायण सोलंकर यांनी मार्गदर्शन केले.