लोहारा येथील न्यू व्हिजन इंग्लिश स्कूलमध्ये दहीहंडी

वार्तादूत – डिजिटल न्युज नेटवर्क
लोहारा येथील न्यू व्हिजन इंग्लिश स्कूलमध्ये शुक्रवारी (दि.१९) श्रीकृष्ण जन्माष्टमी निमित्त दहीहंडी उत्सव साजरा करण्यात आला. या कार्यक्रमासाठी ब्रम्हकुमारी सरिता बहनजी, नगरसेविका मयुरी अमोल बिराजदार, माजी सैनिक राजेंद्र सूर्यवंशी, स्कुलचे प्राचार्य शहाजी जाधव आदींची प्रमुख उपस्थिती होती. कार्यक्रमाच्या सुरुवातीस मान्यवरांच्या हस्ते भगवान श्रीकृष्ण यांच्या प्रतिमेचे पूजन करण्यात आले. त्यानंतर स्कुलमधील विद्यार्थ्यांनी राधे राधे राधे, वो किशना है, राधा हि बावरी आदी गीतावर बहारदार नृत्य सादर केले. यावेळी सर्व विद्यार्थी राधा व कृष्ण यांच्या वेशभूषेत आल्याने सर्व पालकांचे मन वेधून घेत होते. त्यानंतर महिला शिक्षिका व माता पालकांनी कृष्णाचा पाळणा गायला. विद्यार्थ्यांनी अतिशय आनंदात हाथी घोडा पालखी – जय कन्हैय्या लालकी अशा घोषणा देत गोविंदांनी दहीहंडी फोडली. कार्यक्रमाचे सूत्रसंचालन सविता जाधव यांनी तर संचिता बाचपल्ले यांनी आभार मानले. कार्यक्रमास मयुरी नारायणकर, माधवी होगाडे, संतोषी घंटे, मीरा माने, शिवानी बिडवे, चांदबी चाऊस, दीप्ती क्षीरसागर यांच्यासह माता पालक मोठ्या संख्येने उपस्थित होते.