लोहारा शहरात महाशिवरात्री यात्रा महोत्सवानिमित्त बुधवारी (दि.१७) सकाळी आयोजित मॅरेथॉन स्पर्धेत सोलापूर येथील सुमित जावीर प्रथम तर बलसुर येथील आकाश बनसोडे याने व्दितीय क्रमांक पटकावला आहे.
या स्पर्धेचे उदघाटन उपस्थित मान्यवरांच्या यांच्या हस्ते करण्यात आले. यावेळी वीरभद्र फावडे, डॉ. बाळासाहेब भुजबळ, विठ्ठल वचने, संतोष क्षीरसागर, माणिक चिकटे आदींची प्रमुख उपस्थिती होती. छत्रपती शिवाजी महाराज चौक ते भानुदासराव चव्हाण महाविद्यालय येथून परत छत्रपती शिवाजी महाराज चौकापर्यंत ही स्पर्धा घेण्यात आली. या मॅरेथॉन स्पर्धेसाठी उस्मानाबाद जिल्ह्यासह लातूर, सोलापूर परीसरातील एकुण ४० स्पर्धकांनी सहभाग नोंदविला होता. ही स्पर्धा लहान व मोठ्या गटात घेण्यात आली. या स्पर्धेत मोठ्या गटातून सोलापूर येथील सुमित जावीर प्रथम, बलसुर येथील आकाश बनसोडे याने व्दितीय, हिप्परगा (रवा) येथील वग्रसेन जाधव याने तृतिय तर सोलापूर येथील अंकित गरड याने चतुर्थ व धानुरी येथील अमर जाधव याने पाचवा क्रमांक पटकावला आहे. तर लहान गटात जेवळी येथील श्रीराम दंडगुले याने प्रथम, लोहारा येथील समर्थ पाटील द्वितीय, सौरभ सरवदे यांनी तृतीय क्रमांक, प्रेम वासुदेव चतुर्थ तर नितेश वाघमारे याने पाचवा क्रमांक पटकावला.
स्पर्धेतील विजेत्यांना बक्षिस वितरण करण्यात आले. यावेळी डॉ. बाळासाहेब भुजबळ, वीरभद्र फावडे, गोपाळ सुतार, भीमाशंकर डोकडे, विठ्ठल वचने, श्रीनिवास माळी, ईश्वर बिराजदार, अमित बोराळे, विरेश स्वामी, सतीश ढगे, अजित विभूते, सुनील देशमाने, महेश कुंभार, राजपाल वाघमारे आदींसह यात्रा कमिटीचे सदस्य व ग्रामस्थ उपस्थित होते.
