मार्डी जिल्हा परिषद शाळेत वार्षिक स्नेहसंमेलन; विविध गीतांवर नृत्य सादर करून उपस्थितांची जिंकली मने

विद्यार्थ्यांच्या अंगी असलेल्या सुप्त कलागुणांना वाव देण्यासाठी तालुक्यातील मार्डी येथील जिल्हा परिषद प्राथमिक शाळेत वार्षिक स्नेहसंमेलन कार्यक्रमाचे आयोजन करण्यात आले होते. यात चिमुकल्यांनी विविध गीतांवर नृत्य सादर करून उपस्थितांची मने जिंकली.
या कार्यक्रमात देशभक्तीपर, सांप्रदायिक, गोंधळी गीत, आराधी गीत, शेतकरी गीत, पर्यावरण संरक्षणपर गीत, भारुड, लोकनृत्य, रिमिक्स, स्त्री भ्रूण हत्या, विडंबन गीत, वृक्ष संवर्धन, लावणी, पारंपारिक गीते, समाज परिवर्तन, वैयक्तिक व सामूहिक विविध गीतांचा व नकलांचा समावेश करण्यात आला होता. या माध्यमातून शाळेने समाज जागृती व्हावी, लोकांना कलेचे महत्व पटवून अनेक कलाकार

निर्माण व्हावे, अनेक विद्यार्थी कलाकार बनावेत हा शाळेचा मानस होता. या कार्यक्रमाच्या अध्यक्षस्थानी सरपंच उषा अशोकराव पाटील होत्या. यावेळी अप्पासाहेब उमाजी पाटील, डॉ. कर्मवीर कदम, मुख्याध्यापक सुरेश वाघमोडे, उत्तमराव कदम, नूर पठाण, अण्णासाहेब पाटील, योगेश देवकर, रमेश कदम, उद्धव सोमवंशी, प्रा. राम माने, भाग्यश्री कुंभार यांची प्रमुख उपस्थिती होती. विद्यार्थ्यांनी केलेल्या

सुंदर अशा कलाविष्कारामुळे ग्रामस्थांनी शाळेचे कौतुक केले. कार्यक्रम यशस्वीतेसाठी मुख्याध्यापक सुरेश वाघमोडे, विनोद कांबळे, युवराज बनकर, रमाकांत खटके, कैलास माणिकशेट्टी, वर्षा चौधरी, महानंदा चव्हाण, छायाबाई सूळ, रेणुका वाघमोडे, शालेय व्यवस्थापन समिती सर्व सदस्य, माजी विद्यार्थी संघाचे पदाधिकारी, माजी विद्यार्थी उपस्थित होते.