लोहारा तालुक्यातील कानेगाव येथील जिल्हा परिषद शाळेत प्रवेशोत्सव साजरा करण्यात आला. इयत्ता पहिली वर्गातील ४३ विद्यार्थ्यांना प्रवेश देण्यात आला. विद्यार्थ्यांना फेटे बांधून ट्रॅक्टरमधून गावामध्ये प्रवेश दिंडी काढण्यात आली. या दिंडीमध्ये शाळेतील विद्यार्थ्यांनी लेझीम सादर केले
यावेळी पंचायत समितीचे उपसभापती अमोल पाटील यांच्या हस्ते फित कापून उद्घाटन करण्यात आले. यावेळी अध्यक्ष व प्रमुख पाहुणे यांच्या हस्ते विद्यार्थ्यांना शालेय गणवेश व पाठ्यपुस्तकांचे वितरण करण्यात आले. यावेळी आपल्या अध्यक्षीय भाषणात अमोल पाटील यांनी शाळेच्या विविध अडीअडचणी सोडविण्याचे आश्वासन दिले. प्रमुख पाहुणे म्हणून सरपंच नामदेव लोभे उपस्थित होते. यावेळी शालेय व्यवस्थापन समिती अध्यक्ष दादासाहेब कदम, वाल्मीक पतंगे, प्रद्युम्न पाटील, माधुरी कांबळे, नसरीन तांबोळी, ग्रामविकास अधिकारी अश्विन गोरे, पालक व अंगणवाडी शिक्षिका उपस्थित होते. दुपारच्या सत्रात आमदार प्रवीण स्वामी यांनी शाळेस भेट दिली. यावेळी त्यांनी विद्यार्थ्यांना पुस्तकाचे वाटप केले. तसेच विद्यार्थ्यांना शैक्षणिक वर्षासाठी शुभेच्छा देऊन मार्गदर्शन केले. कार्यक्रमाचे प्रास्ताविक प्रवीण अगंबरे यांनी केले. सूत्रसंचालन मच्छिंद्र बोकडे यांनी तर श्रीशैल जट्टे यांनी आभार मानले.
