लोहारा तालुक्यातील होळी येथील जिल्हा परिषद प्राथमिक शाळेत शिक्षक पालक मेळावा आयोजित करण्यात आला होता.
या मेळाव्याच्या अध्यक्षस्थानी व्यवस्थापन समिती अध्यक्षा उषा चव्हाण होत्या. सुरुवातीस मुख्याध्यापक देविदास पावशेरे यांनी प्रास्ताविकामध्ये शालेय गुणवत्ता, उपस्थिती आदी बाबी मांडल्या. यावर उपस्थित सर्व पालकांनी मनोगते, चर्चा करुन गुणवत्ता वाढीसाठी प्रयत्न करण्याचे ठरले. गेल्या वर्षी पासून सर्व शिक्षक स्टाफने शाळेस वीस हजार रुपया पर्यंतची शैक्षणिक वस्तू स्वरुपात शाळेस भेट देण्याचे ठरवले आहे.
त्यानुसार यावर्षी एकोणीस हजार पाचशे रुपये किमतीची अहूजा साउंड सिस्टीम शाळेस भेट देण्यात आली. यामुळे नियमित परिपाठ, विविध शालेय, सांस्कृतिक कार्यक्रमासाठी याचा उपयोग होणार आहे. या कार्यक्रम प्रसंगी उपाध्यक्ष विनोद गायकवाड, ओम बिराजदार, प्रदीप मोरे, दिगंबर पवार, संतोष चव्हाण, चंद्रहर्ष जाधव, करण बाभळसुरे, ज्ञानेश्वर जाधव, गुलचंद गायकवाड, विठ्ठल गायकवाड, ज्ञानेश्वर जाधव, गुलचंद गायकवाड, विठ्ठल गायकवाड, रेखा बाभळसुरे, शालूबाई राठोड, करिश्मा जमादार, जयबून शेख, उषा कुंभार, विठ्ठल कांबळे, मारुती जाधव,अशोक सुतार, संगमेश्वर मठपती, राहूल स्वामी, माधुरी कुलकर्णी आदीसह पालक उपस्थित होते. सुत्रसंचलन मनोज स्वामी यांनी तर योगराज सांडूर यांनी आभार मानले.
