आष्टाकासार येथील सेवानिवृत्त शिक्षक बहुद्देशीय सामाजिक संस्थेच्या वतीने गुणवंत विद्यार्थ्यांचा सत्कार

लोहारा तालुक्यातील आष्टाकासार येथील सेवानिवृत्त शिक्षक बहुद्देशीय सामाजिक संस्थेच्या वतीने सत्कार समारंभ घेण्यात आला. यात आमदार प्रवीण स्वामी यांच्या हस्ते गुणवंत विद्यार्थी, मेडिकल पदवी, पीएचडी प्राप्त विद्यार्थी व केंद्रप्रमुख, मुख्याध्यापक म्हणून निवड झालेल्या व्यक्तींचा सत्कार करण्यात आला.
तालुक्यातील आष्टाकासार येथील सेवानिवृत्त शिक्षक बहुद्देशीय सामाजिक संस्थेच्या वतीने या कार्यक्रमाचे आयोजन करण्यात आले होते. या कार्यक्रमाच्या अध्यक्षस्थानी वसंतराव सुलतानपुरे हे होते. यावेळी प्रसाद सास्तुरकर, विष्णू सगर, चंद्रकांत बनसोडे, सिद्रामप्पा तडकले, सुभाष बलसुरे, मनोहर वाघमोडे, मुरलीधर गोसावी, ॲड. सयाजी शिंदे, सुरेश वाघमोडे, चंद्रकांत आळंगे, शरणाप्पा शिदोरे, नितीन अष्टेकर, राहुल गायकवाड, अंकुश सोमवंशी, अण्णाराव पाटील, सुभाष नागणे, मुकेश मुळे, अरविंद पोतदार आदींची उपस्थिती होती. या कार्यक्रमात आमदार प्रवीण स्वामी यांच्या हस्ते १० वीपरीक्षेतील गुणवंत विद्यार्थी ऋतुजा फुंडीपल्ले, संध्या कार्ले, १२ वी परीक्षेतील गुणवंत विद्यार्थी संजीवनी शिंदे, विशाखा बिलंबे, मेडिकल पदवी मिळवलेली डॉ. स्नेहा सोलापूरे, डॉ. अंजली कोळेकर, डॉ. अनिकेत अष्टेकर, डॉ. वाघमोडे प्रितेश, डॉ. शिदोरे वैष्णवी, पीएचडी पदवी प्राप्त डॉ. कमलाकर मोटे, केंद्रप्रमुख स्पर्धा परीक्षेतून निवड झालेले धनराज कुडकले, शिल्पा चंदनशिवे, मुख्याध्यापक दत्तात्रय सावंत, गोविंद धडे आदींचा सत्कार करण्यात आला. आमदार प्रवीण स्वामी यांनी उपस्थित गुणवंत विद्यार्थ्यांना मार्गदर्शन केले तसेच संस्थेच्या कार्याचे कौतुक केले. प्रास्ताविक चंद्रकांत बनसोडे यांनी केले. कार्यक्रमाचे सूत्रसंचलन मुकेश सोमवंशी यांनी तर सिद्रामप्पा तडकले यांनी आभार मानले.