वडगाव येथे विद्यामाता शाळेची बालदिंडी मोठ्या उत्साहात साजरी

लोहारा तालुक्यातील धानुरी येथील विद्यामाता इंग्लिश स्कूलच्या वतीने आषाढी एकादशीनिमित्त तालुक्यातील वडगाव (गां) येथे दिंडीचे आयोजन करण्यात आले होते.
तालुक्यातील वडगाव येथील सरपंच शितल दणाने, ग्रामपंचायत सदस्य ज्ञानेश्वर भुजबळ, सामाजिक कार्यकर्ते नागेश बाबुराव फुलसुंदर, सुनील पवार आणि ग्रामपंचायत सदस्य आणि नागरिक यांच्या सहकार्याने बाल दिंडी मोठ्या उत्साहात साजरी करण्यात आली. बालदिंडी मध्ये विद्यार्थ्यांनी विठ्ठल नाम गजरामध्ये पाऊल खेळले तसेच विठ्ठल गीतावरती लेझीम साजरे केले आणि झांज व लाटी काठीचा थरारक खेळ सर्वांसमोर सादर केला. गावातील सर्व नागरिकांचे लक्ष वेधून घेतले. गावातील नागरिकांनी सर्व विद्यार्थ्यांचे भरभरून कौतुक केले व सर्व विद्यार्थ्यांना प्रोत्साहित केले. विठ्ठल विठ्ठल जय हरी विठ्ठल नामाचा गजर करण्यात आला. शाळेच्या मुख्याध्यापिका हिरा सोलापूरे हावळे यांच्या मार्गदर्शनाखाली या दिंडीचे आयोजन करण्यात आले होते. गावातील नागरिकांनी व विद्यार्थ्यांनी भक्ती गीत सादर केले व विद्यार्थ्यांनी व गावातील सदस्यांनी भक्ती गीतावरती फुगडीचा आनंद घेतला. संपूर्ण गावांमध्ये एक प्रकारचा उत्साह व विठ्ठल नामाचा गजर यामध्ये संपूर्ण गाव उजळून निघाले. वडगाव येथे साक्षात विठ्ठल रुक्मिणीचे प्रत्यक्षात दर्शन घेतल्याचा आनंद झाला. विठ्ठल रुक्मिणीची प्रतिकृती आकारण्यात आली होती. ज्ञानेश्वर साळुंके यांच्या बैलगाडी मधून विठ्ठल रुक्मिणी यांची मिरवणूक काढण्यात आली. गावातील सर्व ग्रामस्थ महिला व पुरुष मोठ्या संख्येने या दिंडीमध्ये सहभागी झाले होते. विद्यार्थ्यांना ग्रामस्थांच्या वतीने खाऊ वाटप करण्यात आले. जवळपास सातशे विद्यार्थ्यांनी या दिंडीमध्ये सहभाग नोंदवला होता. सर्व सर्व शिक्षक व शिक्षकेतर कर्मचारी यांच्या सहकार्याने या दिंडीचे नियोजन करण्यात आले होते.