वार्तादूत – डिजिटल न्युज नेटवर्क
आमदार सतीश भाऊ चव्हाण यांच्या वाढदिवसानिमित्त लोहारा तालुक्यातील भातागळी येथे सच प्रतिष्ठाण व भातागळी ग्रामस्थांच्या वतीने मंगळवारी (दि.२) रक्तदान शिबिराचे आयोजन करण्यात आले होते. या शिबिरात एकूण २५ रक्तदात्यांनी रक्तदान केले.
या रक्तदान शिबीराचे उद्घाटन विविध कार्यकारी सोसायटीचे चेअरमन नागनाथ कारभारी यांच्या हस्ते करण्यात आले. सध्या राज्यात रक्ताचा तुटवडा मोठ्या प्रमाणात जाणवत आहे. त्यामुळे सामाजिक बांधिलकी जपत सच प्रतिष्ठाणच्या वतीने या रक्तदान शिबीराचे आयोजन करण्यात आले होते. या शिबिरात एकूण २५ रक्तदात्यांनी रक्तदान केले. यावेळी रक्तदात्यांना टी-शर्ट वाटप करण्यात आले. यावेळी सुधाकर पाटील, सतीश जगताप, सत्यवान जगताप, जितेंद्र कदम, दादा चव्हाण, सागर आनंदगावकर, मुकुंद चव्हाण, प्रविण जगताप, पवन जगताप, स्वागत जगताप, तानाजी कदम, स्वप्नील जगताप, सुरेश कारभारी, अविनाश जगताप, समाधान जगताप आदींसह ग्रामस्थ उपस्थित होते.
