वार्तादूत – डिजिटल न्युज नेटवर्क
राष्ट्रवादी काँग्रेसचे जिल्हाध्यक्ष सुरेशदाजी बिराजदार यांच्या हस्ते लोहारा तालुक्यातील नागुर येथील विलगीकरण कक्षाचा रविवारी (दि.६) शुभारंभ करण्यात येणार आहे.
लोहारा तालुक्यातील नागुर येथील वाढत्या रुग्णसंख्येचा विचार करून ग्रामपंचायतीच्या वतीने जिल्हा परिषदेच्या शाळेत विलगीकरण कक्ष केला आहे. याचा शुभारंभ राष्ट्रवादी काँग्रेसचे जिल्हाध्यक्ष सुरेशदाजी बिराजदार यांच्या हस्ते होणार आहे. या कार्यक्रमासाठी हॅलो मेडिकल फाउंडेशनचे डॉ. शशिकांत अहंकारी, तहसीलदार संतोष रुईकर, तालुका आरोग्य अधिकारी डॉ. अशोक कटारे, डॉ. प्रताप शिंदे, किशोर साठे, विजय लोमटे, सुनील साळुंके, नागुरचे सरपंच गजेंद्र जावळे, जालिंदर कोकणे, हाजी बाबा शेख, नाना पाटील, आयुब शेख उपस्थित राहणार आहेत.
रविवारी (दि. ६) राज्याभिषेक दिन आहे. त्यानिमित्त राष्ट्रवादी काँग्रेसच्या लोहारा येथील कार्यालयात कार्यक्रम होणार आहे. तसेच तालुक्यातील नागरिकांमध्ये कोविड १९ व लसीकरणाबद्दल जनजागृती व्हावी यासाठी आयोजित जनजागृती मोहिमेचा शुभारंभ जिल्हाध्यक्ष सुरेशदाजी बिराजदार यांच्या हस्ते करण्यात येणार आहे अशी माहिती राष्ट्रवादी काँग्रेसचे तालुकाध्यक्ष सुनील साळुंके यांनी दिली आहे.
