लोहारा तालुक्यात बुधवारी (दि. 7) दोन रुग्ण – तालुक्यातील ऍक्टिव्ह रुग्णसंख्या झाली 42 – नागरिकांनी अजून काही दिवस काळजी घेण्याची आवश्यकता

वार्तादूत – डिजिटल न्युज नेटवर्क
लोहारा तालुक्यातील कोरोना रुग्णांची संख्या मागील काही दिवसांपासून कमी होत आहे. बुधवारी (दि.7) आलेल्या अहवालानुसार तालुक्यात आणखी दोन रुग्णांची भर पडली आहे. यामुळे तालुक्यातील ऍक्टिव्ह रुग्णांची संख्या 42 झाली आहे. त्यामुळे अजून काही दिवस काळजी घेणे आवश्यक आहे.
कोरोनाच्या दुसऱ्या लाटेत लोहारा तालुक्यातील रुग्णसंख्या मोठ्या प्रमाणात वाढली होती. यादरम्यान तालुक्यातील सर्वच गावात रुग्ण आढळून आले होते. त्यामुळे लोहारा शहरातील दोन कोविड सेंटरसह तालुक्यातील अनेक ठिकाणी ग्रामपंचायतीच्या वतीने कोविड केअर सेंटर उभारण्यात आले होते. परंतु मागील काही दिवसांपासून रुग्णसंख्या कमी होत आली आहे.
लोहारा तालुका कोरोनामुक्त होण्याच्या मार्गावर आहे. परंतु त्यासाठी नागरिकांनी आणखी काही दिवस नियमांचे पालन करणे आवश्यक आहे. बुधवारी (दि. 7) आलेल्या अहवालानुसार तालुक्यात दोन रुग्ण आढळले आहेत. लोहारा येथे एक तर जेवळी (द) येथे एक रुग्ण आढळला आहे. कोरोनाचा संसर्ग अद्याप पूर्णपणे संपलेला नाही. त्यामुळे नागरिकांनी लसीकरण करून घेणे, स्वतःची व आपल्या कुटुंबाची योग्य ती काळजी घेणे, अनावश्यक घराबाहेर न पडणे, प्रशासनाने सांगितलेल्या नियमांचे काटेकोरपणे पालन करणे आवश्यक आहे. लोहारा तालुका कोरोनामुक्त होण्याच्या मार्गावर आहे. त्यामुळे तालुकावासीयांनी आणखी पुढील काही दिवस नियमांचे काटेकोरपणे पालन करणे आवश्यक आहे.