पुरात वाहून गेलेल्या युवकांच्या शोध मोहिमेची उस्मानाबाद लोकसभा मतदारसंघाचे खासदार ओमराजे निंबाळकर, शिवसेना जिल्हाप्रमुख तथा आ. कैलास घाडगे-पाटील यांनी केली प्रत्यक्ष पाहणी

वार्तादूत – डिजिटल न्युज नेटवर्क
उस्मानाबाद तालुक्यातील बोरगाव, बोरखडा, कनगरा आदी गावात शुक्रवारी (दि.9) रात्रीच्या सततच्या मुसळधार पावसामुळे नदी-नाले भरुन वाहिल्याने २ वेगवेगळ्या ठिकाणी पाण्यात वाहून जाणाऱ्या २ जणांना वाचवण्यात यश आले आहे. बोरखेडा गावालगत असलेल्या ओढ्यावरील पुलावरून जात असताना वाहून गेलेले समीर युन्नूस शेख या बेपत्ता युवकाची शोध मोहिम गावकऱ्यांच्या मदतीने पोलीस, महसूल, नगरपरिषद आणि उस्मानाबाद फायर ब्रिगेडची टीम करत आहे.पुरात वाहून गेलेल्या युवकांच्या शोध मोहिमेची उस्मानाबाद लोकसभा मतदारसंघाचे खासदार ओमराजे निंबाळकर, शिवसेना जिल्हाप्रमुख तथा आ. कैलास घाडगे-पाटील यांनी शनिवारी (दि.10) प्रत्यक्ष पाहणी केली. चालू असलेल्या शोध मोहिमेची प्रत्यक्ष पाहणी करून प्रशासकीय अधिकाऱ्यांना लवकरात लवकर या युवकांचा शोध घेण्याच्या सुचना खासदार ओमराजे निंबाळकर यांनी केल्या. याप्रसंगी शिवसेना जिल्हाप्रमुख तथा आ. कैलास घाडगे-पाटील, उस्मानाबादचे नगराध्यक्ष मकरंद राजेनिंबाळकर, तहसीलदार गणेश माळी, जिल्हा बँकेचे संचालक संजय देशमुख, रवी कोरे आळणीकर आदी संबंधित अधिकारी, ग्रामस्थ उपस्थित होते.