छावा संघटना काढणार लोकमंगल कारखान्यावर मोर्चा – ऊसाचे बिल लवकर देण्याची निवेदनाद्वारे मागणी

वार्तादूत – डिजिटल न्युज नेटवर्क
लोकमंगल कारखाण्याकडून तालुक्यातील अनेक शेतकऱ्यांचे बिल अद्याप देण्यात आले नाही. त्यामुळे कारखाण्याकडून ऊस बिल लवकर देण्यात आली नाहीत तर दि. २९ जुलै रोजी कारखान्यावर मोर्चा काढण्यात येणार आहे असा ईशारा अखिल भारतीय छावा संघटना लोहारा तालुक्याच्या वतीने देण्यात आला आहे. याबाबत लोहारा तहसीलदार यांना निवेदन देण्यात आले आहे.
या निवेदनात म्हटले आहे की, लोकमंगल कारखान्याकडून तालुक्यातील शेतकऱ्यांचे ऊसाचे बिल देण्यात आले नाही. कारखान्याकडे थकलेले ऊसाचे बिल लवकरात लवकर देण्यात यावे अशी मागणी या निवेदनात करण्यात आली आहे. ऊस बिल लवकर मिळाले नाही तर दि. २९ जुलै रोजी कारखान्यावर मोर्चा काढण्यात येईल असा ईशारा देण्यात आला आहे. यावेळी अखिल भारतीय छावा संघटनेचे युवक जिल्हाध्यक्ष कालिदास (महाराज) गायकवाड, लोहारा तालुका उपाध्यक्ष महादेव सुर्यवंशी, युवक तालुकाध्यक्ष आकाश भोरे, युवक उपाध्यक्ष विठ्ठल रणखांब, सोशल मिडीया तालुका प्रमुख सहदेव यादव, तालुका सचिव अभिजित जाधव, महेश साठे यांच्यासह कार्यकर्ते उपस्थित होते.