हायस्कुल लोहारा शाळेचा विद्यार्थी ओमकार संजय स्वामी तालुकास्तरीय विज्ञान प्रदर्शनात प्रथम

वार्तादूत – डिजिटल न्युज नेटवर्क
दि. २४ ऑगस्ट ला लोहारा तालुका ऑनलाईन विज्ञान प्रदर्शन भरविण्यात आले होते. या विज्ञान प्रदर्शनात हायस्कूल लोहारा येथील दहावीतील विद्यार्थी ओमकार संजय स्वामी याचा मोठ्या गटातून प्रथम क्रमांक आला आहे.
त्याने पर्यावरणास अनुकूल सामग्री विषय निवडत टाकाऊ वस्तूपासुन टिकाऊ वस्तू बनविण्याच्या प्रयोगामध्ये कुलर बनविले. यात त्यांनी ड्रम पासुन कुलरसाठी लागणारी सामग्री गोळा करून त्यापासुन कुलर तयार केले. या प्रदर्शनात तालुक्यातील ४१ शाळेच्या विद्यार्थ्यांनी सहभाग घेतला होता. प्रथम क्रमांक आलेल्या ओमकार स्वामी याला हायस्कूल लोहारा येथील विज्ञान शिक्षक सदाशिव बचाटे व हायस्कूल येथील शिक्षकांचे मार्गदर्शन लाभले. त्याच्या यशाबद्दल सर्व स्तरातुन अभिनंदन होत आहे.