कितीही अफजलखान आले तरी घाबरणार नाही – उद्धव ठाकरे यांचे भाजपावर जोरदार टीकास्त्र

वार्तादूत – डिजिटल न्युज नेटवर्क
विजय आपलाच होणार, आई भवानीवर विश्वास आहे. कितीही अफजल खान आले तरी घाबरणार नाही, अशी गर्जना उद्धव ठाकरेंनी केली. उस्मानाबादहून आलेल्या शिवसेना कार्यकर्त्यांसमोर ठाकरे बोलत होते. यावेळी खासदार ओमप्रकाश राजेनिंबाळकर,शिवसेना आमदार कैलास पाटील, मकरंद राजेनिंबाळकर यांनी काही कार्यकर्त्यांना मातोश्रीवर नेऊन शिवबंधन बांधलं. दसरा मेळावा शिवाजी पार्कच्या मैदानावर घेण्याचा निर्णय मुंबई उच्च न्यायालयाने ठाकरेंच्या बाजूने दिल्यामुळे शिवसैनिकांमध्ये उत्साह संचारला आहे. मात्र सुप्रीम कोर्टात सध्या सुरु असलेल्या सुनावणीच्या पार्श्वभूमीवर दोन्ही गटात चिंता आणि धाकधूक आहे.
विजय आपलाच होणार, आई भवानीवर विश्वास आहे. कितीही अफजल खान आले तरी घाबरणार नाही, अशी गर्जना करत शिवसेना पक्षप्रमुख उद्धव ठाकरे यांनी एकनाथ शिंदे आणि भाजपवर टीकास्त्र डागले.