वार्तादूत – डिजिटल न्युज नेटवर्क
नेहरू युवा केंद्र संघटन, उस्मानाबाद यांच्या वतीने आयोजित तालुकास्तरीय क्रीडा महोत्सव लोहारा येथील भानुदासराव चव्हाण महाविद्यालय येथे दिनांक 2 फेब्रुवारी 2023 रोजी घेण्यात आला. या क्रीडा महोत्सवात धावणे – मुले, धावणे – मुली, गोळाफेक – मुले, गोळाफेक – मुली आणि कबड्डी या स्पर्धेचे आयोजन करण्यात आले. क्रीडा शिक्षक व्ही. इन. क्षीरसागर यांच्या हस्ते क्रीडा महोत्सवाचे उद्घाटन करण्यात आले. क्रीडा महोत्सवासाठी पंच म्हणून रोहन जगताप, किशोर होनाजे, राजपाल वाघमारे, व्ही. एन. क्षीरसागर यांनी काम पाहिले. यावेळी नेहरू युवा केंद्राचे राष्ट्रीय युवा स्वयंसेवक किशोर होनाजे, महाविद्यालयचे प्राचार्य दौलतराव घोलकर व इतर सर्व प्राध्यापक उपस्थित होते.
