उदगीरचा निवृत्ती गुडेवार ठरला मॅरेथॉनचा विजेता – महाशिवरात्री यात्रामहोत्सवानिमित्त लोहाऱ्यात मॅरेथॉन स्पर्धा संपन्न

वार्तादूत – डिजिटल न्युज नेटवर्क
लोहारा शहरात महाशिवरात्री यात्रा महोत्सवानिमित्त सोमवारी ( दि. २०) सकाळी आयोजित मॅरेथॉन स्पर्धेत उदगीरचा निवृत्ती गुडेवार प्रथम तर विष्णु गणेश सुरवसे याने व्दितीय क्रमांक पटकावला आहे.
या स्पर्धेचे उदघाटन मान्यवरांच्या हस्ते करण्यात आले. सकाळी ८ च्या सुमारास ही मॅरेथॉन स्पर्धा संपन्न झाली. ही स्पर्धा शिवाजी चौक ते जेवळी रोड भदभदी येथून परत शिवाजी चौक अशी तीन किमीची होती. या मॅरेथॉन स्पर्धेसाठी उस्मानाबाद जिल्ह्यासह लातुर परीसरातील एकुण ४९ स्पर्धकांनी सहभाग नोंदविला होता. या स्पर्धेत उदगीरचा निवृत्ती गुडेवार प्रथम, विष्णु गणेश सुरवसे याने व्दितीय, अजय भातागळे, होर्टी याने तृतिय तर कास्ती येथील आदिनाथ बेशकराव याने चतुर्थ क्रमांक पटकावला आहे. स्पर्धेतील विजेत्यांना बक्षिस वितरण करण्यात आले.

यावेळी डॉ. बाळासाहेब भुजबळ, राजेंद्र फावडे, बालाजी माशाळकर, गोपाळ सुतार, दत्ता निर्मळे, अमित बोराळे, विरेश स्वामी, सतीश ढगे, भीमाशंकर डोकडे, ईश्वर बिराजदार, सुनील देशमाने, महेश कुंभार, प्रथमेश मुळे, शैलेश जट्टे, व्यंकट चिकटे, राजपाल वाघमारे, जितेश फुलकुर्ते, मनोज लोहार आदींसह यात्रा कमिटीचे सदस्य व ग्रामस्थ उपस्थित होते.