वार्तादूत – डिजिटल न्युज नेटवर्क
लोहारा तालुक्यातील विलासपुर पांढरी येथे आमदार ज्ञानराज चौगुले यांच्या प्रयत्नांतून मंजुर असलेल्या 1) जलजीवन मिशन अंतर्गत पाणीपुरवठा योजना राबविणे – 56 लक्ष रु., 2) आमदार स्थानिक विकास निधीतून मागासवर्गीय वस्तीत रस्ता करणे – 6 लक्ष रु., 3) 2515 योजनेतुन गावांतर्गत रस्ता करणे – 10 लक्ष रु. आदी विकासकामांचे रविवारी (दि.५) आमदार ज्ञानराज चौगुले यांच्या हस्ते भूमिपूजन करण्यात आले.
यावेळी शिवसेना जिल्हाप्रमुख मोहन पनुरे, तालुकाप्रमुख जगन पाटील, माजी तालुकाप्रमुख ज्ञानेश्वर सूर्यवंशी, विलासपुर पांढरीचे सरपंच महादेव कार्ले, तंटामुक्ती समितीचे अध्यक्ष व्यंकटराव पाटील, दिनकर जावळे पाटील, अभिमान खराडे, नगरसेवक अविनाश माळी, माजी पंचायत समिती सदस्य इंद्रजित लोमटे, परवेज तांबोळी, अचलेरचे आप्पा सोलंकर, माळेगावचे सरपंच वैभव पवार, परमेश्वर साळुंके, संदीपान बनकर, सुरेश दंडगुले, शिवराज चिनगुंडे, नागेश पनुरे, सिद्धेश्वर कार्ले, निळकंठ काशेगावकर, गजेंद्र बिराजदार, रमेश जाधव, महादेव काशेगावे आदीसह ग्रामस्थ मोठ्या संख्येने उपस्थित होते.
