गोगलगाय नियंत्रण जनजागृती करण्यासाठी लोहारा तालुक्यात कृषी विभागाचा फिरता चित्ररथ

लोहारा तालुका कृषी अधिकारी कार्यालय यांच्या वतीने गोगलगायीचे एकात्मिक व सामूहिक नियंत्रण जनजागृती करण्यासाठी फिरता चित्र रथ तयार करण्यात आला असून या रथाच्या माध्यमातून तालुक्यातील सर्व गावात जाऊन जनजागृती करण्यात येणार आहे.
तालुक्यातील सर्व गावातील शेतकऱ्यांत जनजागृती करण्यासाठी लोहारा तालुका कृषी अधिकारी कार्यालयाच्या वतीने हा चित्र रथ तयार करण्यात आला आहे. या चित्ररथाचे मंगळवारी (दि.११) तहसीलदार प्रसाद कुलकर्णी व गटविकास अधिकारी शितल खिंडे यांच्या हस्ते पूजन करून हिरवा झेंडा दाखवून हा चित्ररथ मार्गस्थ करण्यात आला. यावेळी प्रभारी तालुका कृषी अधिकारी एस.ए. ताराळकर, मंडळ कृषी अधिकारी डी. बी. रीतापुरे, एन.एन. मगर व कृषी विभागातील कर्मचारी हजर होते. या चित्ररथाच्या माध्यमातून तालुक्यातील सर्व गावात जनजागृती करण्यात येणार आहे.

———–
तालुक्यातील शेतकऱ्यांनी गोगलगायीचे नियंत्रण एकात्मिक व सामूहिक पद्धतीने कृषी विभागाच्या मार्गदर्शनाने करावे.

प्रसाद कुलकर्णी,
तहसीलदार