लोहारा तालुक्यातील माकणी येथील विष्णू शिंदे व त्यांच्या पत्नी स्नेहा झुंजरुटे यांची युरोपातील “युनिव्हर्सिटी ऑफ साऊथ-ईस्टर्न नॉर्वे ” येथे जाऊन अभ्यास करण्यासाठी “इंटरनॅशनल व्हीजीटिंग फेलोशिप” साठी निवड झाली आहे.
हे दोघेही सध्या समाजशास्त्र विभाग, सावित्रीबाई फुले पुणे विद्यापीठात पीएचडी करत आहेत. यापूर्वी स्नेहा यांची “भारतीय आयुर्विज्ञान अनुसंधान परिषद, भारत सरकारकडून दिल्या जाणाऱ्या “सिनिअर रिसर्च फेलोशिप” साठीही निवड झालेली आहे. येत्या ऑगस्ट महिन्यात हे दांपत्य युरोपातील ‘नॉर्वे’ या देशाला रवाना होणार आहे.
