उपमुख्यमंत्री अजितदादा पवार यांच्या वाढदिवसानिमित्त धानुरी येथे आरोग्य शिबिर – 300 पेक्षा जास्त रुग्णांची तपासणी व मोफत चष्म्याचे वाटप

लोहारा तालुक्यातील धानुरी येथे रविवारी (दि. ३०) राष्ट्रवादी काँग्रेसच्या वतीने उपमुख्यमंत्री अजितदादा पवार यांच्या वाढदिवसानिमित्त आरोग्य शिबिराचे आयोजन करण्यात आले होते. या शिबिरात मोफत नेत्र तपासणी करून मोफत चष्मे वाटप करण्यात आले.
लोहारा तालुक्यातील धानुरी येथे उस्मानाबाद जिल्हा राष्ट्रवादी काँग्रेसच्या वतीने उपमुख्यमंत्री अजितदादा पवार यांच्या वाढदिवसानिमित्त हे आरोग्य शिबीर आयोजित करण्यात आले होते. या शिबिराचे उद्घाटन राष्ट्रवादी काँग्रेसचे माजी जिल्हाध्यक्ष सुरेश बिराजदार व नूतन जिल्हाध्यक्ष महेंद्र धुरगुडे यांच्या हस्ते करण्यात आले.

यावेळी राष्ट्रवादी युवक काँग्रेसचे प्रदेश सचिव दिग्विजय शिंदे, लोहारा तालुकाध्यक्ष सुनिल साळुंके, धानुरीचे सरपंच प्रविण थोरात, उपसरपंच विठ्ठल बुरटूकणे, शमशोद्दीन जमादार, जिल्हा सामान्य रुग्णालय येथील डॉ. निलेश कुरली, डॉ. मुजावर, विनोद जाधव, मच्छिंद्र क्षीरसागर, बालाजी शिंदे, चित्रसेन शिंदे, राहुल जाधव, सुरज साळुंके, विनोद राठोड, जग्गनाथ यादव, नेताजी लुटे, वामन भोरे, बालाजी माळी, बालाजी सुरवसे आदींसह गावातील महिला व नागरिक उपस्थित होते. या शिबिरात जवळपास तीनशे पेक्षा जास्त रुग्णांची तपासणी करण्यात आली आहे. तपासणी करून रुग्णांना मोफत चष्मे वाटप करण्यात आले.