लोहारा तालुक्यातील मोघा खुर्द येथील जिल्हा परिषद प्राथमिक शाळेत सोमवारी (दि.१८) बाल आनंद मेळावा आयोजित करण्यात आला होता. या मेळाव्यात सात हजार रुपयांची उलाढाल झाली आहे.
या बाल आनंद मेळाव्याची सुरूवात सावित्रीबाई फुले यांच्या प्रतिमेचे पुजन करून झाली. सचिन गोरे, नंदकुमार गरगडे, केंद्रप्रमुख विश्वजित चंदनशिवे, साधनव्यक्ती रविशंकर आगळे, अंगद भोंडवे यांनी पूजन केले. या मेळाव्यात विद्यार्थ्यांनी विविध पदार्थांचे २० स्टॉल लावले होते. यामध्ये पाणीपुरी, गुलाबजामून, अप्पेवडे, धपाटे, भेळ, सरबत, पावभाजी, चिवडा, बासुंदी, इडली सांबर, चहा, मठ्ठा, मंचुरियन, वडापाव, समोसे, उडीदवडा, मिरची भजे, मेंदूवडा, उकडलेले अंडे, चुरमुरा, शेंगा लाडू आदी स्टॉल लावण्यात आले होते. त्याचबरोबर किराणा दुकान व हरे एक माल, प्लास्टीक खेळणी दुकान लावण्यात आले होते. विविध पदार्थाच्या मेजवानीला नागरीक, पालकांकडून मोठा प्रतिसाद दिसून आला. तासाभरात सर्व पदार्थाची विक्री होवून पुन्हा विविध पदार्थ बनवावे लागले. पाणी पुरी, धपाटे, बासुंदी, पावभाजी, अप्पेवडे, इडली सांभर, मठ्ठा या स्टॉलला मोठा प्रतिसाद दिसून आला. यावेळी नागरीकांनी पदार्थांच्या मेजवानीचा अस्वाद घेत विद्यार्थ्यांना व्यवहारीक ज्ञानाचे धडे देवून पैसे देताना परीक्षाही घेतली. यात विद्यार्थ्यांनी अचुक उत्तरे देत मालाचे बरोबर पैसे घेतल्याचे पाहायला मिळाले.
किराणा दुकान व प्लास्टिक खेळणी दुकानातुन महिला वर्गाने मोठ्या प्रमाणात खरेदी केली. या मेळाव्यात सात हजार रूपयाची खरेदी विक्री झाल्याचे शाळेचे मुख्याध्यापक विकास घोडके यांनी सांगितले. बालआनंद मेळाव्यातून प्रत्यक्ष खरेदी विक्री, नफा तोटा, विविध पदार्थाची ओळख, बनविण्याची क्रिया, विविध आकार, व्यवहारीक ज्ञान विद्यार्थ्यांना मिळाले आहे असे सहशिक्षिका यु. व्ही. बर्डे यांनी सांगितले. सदरील मेळावा चांगल्या प्रकारे नियोजन केल्याने अतिशय सुंदर झाला. चवदार पदार्थाची मेजवानी मिळाली अशी प्रतिक्रिया केंद्रप्रमुख विश्वजित चंदनशिवे, जिवन गायकवाड यांनी दिली. यावेळी शिवराज पाटील, लक्ष्मण भोंडवे, शहाजी दळवे, शिवहारी दळवे, विनायक गरगडे, बालाजी बाबळे, मारूती भोंडवे, बालाजी सोनटक्के, मुस्तफा मुजावर, राजेश भोंडवे, सतीश मत्ते, बब्रुवान भोंडवे, बब्रुवान मत्ते, आनंदा हिरवे, विश्वनाथ मत्ते, विश्वनाथ पाटील, महादेव पाटील, प्रभाकर भोंडवे, दादा पवार, हणमंत भोंडवे, कृष्णाथ भोंडवे, शरद भोंडवे, वंदना गरगडे, सुरेखा भोंडवे, सविता दळवे, सुनिता मत्ते, सुनिता गोरे, वैशाली गरगडे, बालीका भोंडवे, संजिवनी भोंडवे, रेखा दळवे, जनाबाई बोंडगे, समिना मुजावर, संजिवनी भोंडवे, काशिबाई भोंडवे, कालींदा मत्ते यांच्यासह महिला, युवक वर्ग, पालक, विद्यार्थी, नागरिक मोठ्या प्रमाणात उपस्थित होते. मेळाव्याच्या यशस्वितेसाठी मुख्याध्यापक विकास घोडके, उषा बर्डे, हमीद मुजावर, रईसा मुजावर, पालक व विद्यार्थ्यांनी परीश्रम घेतले.
