रमजान ईद व डॉ. बाबासाहेब आंबेडकर जयंतीच्या पार्श्वभूमीवर लोहारा शहरात पोलिसांचे रूट मार्च

वार्तादूत – लोहारा – सुमित झिंगाडे
रमजान ईद (Eid), महात्मा जोतिबा फुले ( mahatma jyotiba fule) व डॉ. बाबासाहेब आंबेडकर (Dr. Babasaheb Ambedkar) जयंतीच्या पार्श्वभूमीवर नागरिकांनी सण व उत्सव शांततेत पार पाडावे यासाठी लोहारा (Lohara) येथील पोलिस ठाण्याच्या वतीने शहरात रूट मार्च काढण्यात आला. दि. १० एप्रिल रोजी पोलीस निरीक्षक श्री. अजित चिंतले यांच्या मार्गदर्शनाखाली लोहारा पोलीस ठाण्याच्या वतीने शहरात पोलीस कर्मचाऱ्या समवेत रूट मार्च काढण्यात आला. यावेळी सर्व पोलीस अधिकारी व कर्मचाऱ्यांनी शहरातील छत्रपती शिवाजी महाराज चौक, डॉ. बाबासाहेब आंबेडकर चौक, जगदंबा मंदिर आझाद चौक मार्गे बस स्थानक पर्यंत या रूट मार्च द्वारे नागरिकांना शांततेचे आवाहन करीत फेरी काढली. यावेळी रूट मार्च फेरीत सहाय्यक पोलीस निरीक्षक सुरेश नरवडे, उपनिरीक्षक केंद्रे, हणमंत पापुलवर, कांतू राठोड, किशोर शेवाळे, विजय कोळी, सुनील मोरे, विनायक तांबे, अर्जुन तिगाडे, काजळे, देवकर, भोजने, माधव कोळी, विठ्ठल ढवन, उद्धव माने, निरंजन फुलमाळी, जावेद जेवळे, परसे, आदीसह पोलीस कर्मचारी होमगार्ड सहभागी झाले होते.