विशालगड (कोल्हापूर) व गजापूर येथील घटनेच्या निषेधार्थ लोहारा तालुका सकल मुस्लिम समाजाच्या वतीने सोमवारी (दि.२२) लोहारा तहसील कार्यालयावर मोर्चा काढण्यात आला. सोमवारी लोहारा शहरातील व्यापाऱ्यांनी आपापली दुकाने बंद ठेवून या घटनेचा निषेध व्यक्त केला.
विशालगड येथील गजापुर मशिदीवर समाजकटकांनी बेकायदेशीर जमाव गोळा करुन केलेल्या हल्याच्या निषेध करत यातील आरोपीवर कठोर कार्यवाही करुन अधिकारी यांना तात्काळ निलंबीत करण्यात यावे, अशी मागणी लोहारा येथील सकल मुस्लिम समाजाच्या वतीने तहसीलदार काशीनाथ पाटील यांना यावेळी दिलेल्या निवेदनात करण्यात आली आहे. या निवेदनात म्हटले आहे की, दि १४ जुलै रोजी विशालगड कोल्हापुर येथे गडावरील अतिक्रमण उठविण्याच्या कारणावरुन जे नियोजन करण्यात आले होते. त्या आंदोलनात गडाच्या पायथ्याशी छोट्या-छोट्या गावात संघटनेच्या लोकांनी एकत्रीत येऊन गरीब कुटुंबातील मुस्लिम समाजाच्या लोकांवर भ्याड हल्ला करुन मुस्लिम महिला, लहान मुले, वृद्ध लोकांना अमानुषपणे मारहाण करुन त्यांची दुकाने, घरे, चार चाकी, दुचाकी वाहनांची जाळपोळ केली आहे. मुस्लिम समाजाच्या धार्मिक स्थळावर या लोकांनी कट करुन धार्मिक स्थळाची मोठ्या प्रमाणात नासधुस करुन धार्मिक स्थळाचे पावित्र नष्ट केले आहे. या घटनेचा लोकशाही मार्गाने आम्ही निषेध करीत आहोत. या घटनेस जबाबदार असणाऱ्या जातीयवादी संघटना व गुंड कार्यकर्त्यांवर कारवाई करण्यात यावी अशी मागणी निवेदनात केली आहे. सकल मुस्लिम समाज लोहारा तालुका यांच्या वतीने सोमवारी (दि.२२) लोहारा शहर बंदची हाक दिली होती. या बंदला शहरातील व्यापाऱ्यांनी दुकाने बंद ठेवून प्रतिसाद दिला.
लोहारा शहरातील छत्रपती शिवाजी महाराज चौक, डॉ. बाबासाहेब आंबेडकर चौक, आझाद चौक मार्गे तहसिल कार्यालयापर्यंत मोर्चा काढण्यात आला. यात मुस्लिम बांधव मोठ्या संख्येने सहभागी झाले होते. दरम्यान कसलाही अनुचित प्रकार घडु नये यासाठी पोलीस निरीक्षक अजित चिंतले यांनी पोलिस बंदोबस्त ठेवला होता. यावेळी उपनगराध्यक्ष आयुब शेख, नगरसेवक अमिन सुंबेकर, शब्बीर गवंडी, हाजी बाबा शेख, आयुब अब्दुल शेख, नगरसेवक आरिफ खानापुरे, गौस मोमीन, सलीम शेख, महेबुब गवंडी, इकबाल मुल्ला, आय्याज सवार, आब्बास शेख, दादा मुल्ला, नयुम सवार, शेरु मासुलदार, नजीर हड्डे, जहिर खुटेपड, खुनमिर मोमिन, निहाल मुजावर, शाहरुख गवंडी, आरबज फकीर, वसीम हेद्दे, फयाज नदाफ, अल्ताफ शेख, मोईज शेख, नोमान पठाण, आरबाज कमाल, साहिल शेख,सिराज सिद्दीकी, अन्वर कुरेशी, झमिर सावर, समद सुंबेकर, अल्ताफ सुंबेकर, मैनु बागवान, कैफ कुरेशी, यांच्यासह मुस्लिम समाज बांधव उपस्थित होते.