उपोषणकर्ते मनोज जरांगे पाटील (manoj jarange patil) यांच्या उपोषणाला पाठिंबा देण्यासाठी लोहारा शहरात बुधवारी (दि.२५) सकल मराठा (maratha) समाजाच्या वतीने लोहारा तहसील कार्यालयासमोर उपोषण करण्यात आले.
जोपर्यंत मनोज जरांगे पाटील यांच्या मागणीला यश मिळत नाही, त्यांचे उपोषण थांबत नाही, संघर्ष योद्धा मनोज दादा जरांगे पाटील यांचे आदेश मिळेपर्यंत हे साखळी उपोषण सुरु राहील असे सकल मराठा समाजाने यावेळी सांगितले होते. या उपोषणात शरद पवार, बालाजी यादव, लक्ष्मण पवार, अनंत पवार, प्रशांत थोरात, महादेव गिरी, अजित मोटे, हणमंत रवळे, महादेव मगर, महेश गोरे, सहभागी झाले होते. मनोज जरांगे पाटील यांनी अंतरवली सराटी येथे सुरू असलेले उपोषण बुधवारी सोडले आहे. त्यामुळे हे साखळी उपोषण ही आम्ही सोडत असल्याचे संभाजी ब्रिगेडचे तालुकाप्रमुख बालाजी यादव यांनी सांगितले.
