लोहारा (Lohara) तालुक्यातील बेलवाडी येथे जिल्हा परिषद प्राथमिक शाळेत दीपावली (Diwali) निमित्त विद्यार्थ्यांनी स्वतः आकाश कंदील तयार केले.
दीपावली निमित्त विद्यार्थ्यांनी तयार केलेली आकाश कंदील वर्गात व घरामध्ये लावण्याचा निर्धार केला आहे. दीपावली निमित्त विद्यार्थ्यांनी शाळेमध्ये फराळाचे नियोजन केले. फराळामध्ये भेळ हा पदार्थ विद्यार्थ्यांनी निवडला होता. दुपारनंतर विद्यार्थ्यांनी दीपावली उत्सव साजरा केला. त्यानिमित्त विद्यार्थी गायन, नृत्य व खेळ इत्यादी घेण्यात आले. याप्रसंगी विद्यार्थ्यांनी सर्व विद्यार्थ्यांना व शिक्षकांना स्वतःहून तयार केलेले भेटकार्ड दीपावलीच्या शुभेच्छा कार्ड भेट म्हणून दिले. याप्रसंगी विद्यार्थ्यांना भेट कार्ड व आकाश कंदील बनवण्यासाठी मुख्याध्यापक परमेश्वर सूर्यवंशी, शिक्षक अनंत कानेगावकर, मोरवे खिजर, सुनंदा निर्मले, मल्लिकार्जुन कलशेट्टी, बबीता शिंदे यांनी सहकार्य केले.
