भालकी येथे झालेल्या घटनेच्या निषेधार्थ उद्या लोहारा शहर बंदची हाक

कर्नाटक राज्यातील भालकी येथे झालेल्या महात्मा बसवेश्वर महाराजांच्या पुतळा विटंबन प्रकरणाच्या निषेधार्थ लोहारा शहर सोमवारी (दि. २०) कडकडीत बंद ठेवून निषेध व्यक्त करण्यात येणार आहे.
भालकी येथे वीरशैव लिंगायत समाजाचे श्रद्धास्थान असलेल्या महात्मा बसवेश्वर महाराजांच्या पुतळ्याची समाजकंटकाकडून विटंबना करण्यात आली आहे. या प्रकरणाच्या निषेधार्थ उद्या सोमवारी (दि.२०) लोहारा शहर बंदची हाक देण्यात आली आहे. सकाळी ९ ते ४ वाजेपर्यंत हा बंद राहणार आहे. त्यामुळे शहरातील व्यापारी व नागरिकांनी सहकार्य करावे असे आवाहन करण्यात आले आहे.