लोहारा शहरातील जगदंबा मंदिरात रविवारी (दि.२८) स्वस्थ नारी, सशक्त परिवार या उपक्रमांतर्गत नवरात्र महोत्सवा निमित्त मोफत आरोग्य शिबीर घेण्यात आले.
नवरात्र महोत्सवानिमित्त स्पर्श ग्रामीण रुग्णालय सास्तुर, ग्रामीण रुग्णालय लोहारा, तालुका आरोग्य अधिकारी कार्यालय, जगदंबा ट्रस्ट लोहारा व दयानंद गिरी मित्र मंडळ यांच्या संयुक्त विद्यमाने मोफत आरोग्य शिबीर आयोजित करण्यात आले होते. शहरातील जगदंबा मंदिरात हे शिबीर घेण्यात आले. या शिबिराच्या उद्घाटन कार्यक्रमासाठी माजी मंत्री बसवराज पाटील यांच्या हस्ते करण्यात आले. यावेळी जिल्हा आरोग्य अधिकारी डॉ. सतीश हरदास, डॉ. जिल्हा शल्य चिकित्सक डॉ. धनंजय चाकूरकर, स्पर्श रुग्णालयाचे रमाकांत जोशी, जगदंबा ट्रस्टचे अध्यक्ष दयानंद गिरी, भाजपाचे तालुकाध्यक्ष राजेंद्र पाटील, माजी जिल्हा परिषद सदस्य दिलीप भालेराव, तालुका आरोग्य अधिकारी जगदीश बनसोडे, उपनगराध्यक्ष अमीन सुंबेकर, अभिमान खराडे, डॉ. आम्लेश्वर गारठे, भाजपाच्या महिला आघाडी तालुकाध्यक्षा आरती गिरी यांची प्रमुख उपस्थिती होती. या शिबिरात विविध प्रकारच्या रुग्णांची तपासणी करण्यात आली. तसेच रुग्णांना मोफत औषधे देण्यात आली. या शिबिरास चांगला प्रतिसाद मिळाला.
कार्यक्रमाचे सूत्रसंचालन प्रवीण कांबळे यांनी तर सतीश गिरी यांनी आभार मानले. या कार्यक्रमासाठी शिवसेना उपजिल्हा प्रमुख शब्बीर गवंडी, गटनेत्या तथा नगरसेविका सारिका बंगले, माजी नगरसेवक आयुब शेख, नगरसेविका कमल भरारे, कृषी उत्पन्न बाजार समिती संचालक हरी लोखंडे, नगरसेविका सुमन रोडगे, नगरसेविका आरती कोरे, नगरसेविका संगिता पाटील, नगरसेवक जालिंदर कोकणे आदींसह वैद्यकीय अधिकारी, आरोग्य कर्मचारी, आशा स्वयंसेवीका, जगदंबा मंदिर ट्रस्टचे पदाधिकारी, युवक, महिला व नागरिक मोठ्या संख्येने उपस्थित होते. कोविड काळामध्ये चांगली सेवा दिल्यामुळे शहरातील डॉ. आम्लेश्वर गारठे, स्पर्श ग्रामिण रुग्णालयाचे प्रकल्प अधिकारी
रमाकांत जोशी, प्राचार्य शहाजी जाधव यांचा या कार्यक्रमात सन्मान करण्यात आला. तसेच यावेळी भाजपा तालुका उपाध्यक्ष शुभम गोसावी व शहराध्यक्षपदी सचिन क्षीरसागर यांची निवड झाल्याबद्दल माजी मंत्री बसवराज पाटील यांच्या हस्ते सत्कार करुन शुभेच्छा देण्यात आल्या. या कार्यक्रमास महादेव गिरी, सतिश गिरी, संजय दरेकर, के.डी.पाटील, बापू जट्टे, जगदंबा टृस्टचे प्रविण कांबळे, भाजपा तालुका सरचिटणीस इकबाल मुल्ला, भाजपा तालुका उपाध्यक्ष शुभम गोसावी, भाजपा शहराध्यक्ष सचिन क्षीरसागर, बालाजी चव्हाण, निकेश बचाटे, भाजपा ओबीसी तालुकाध्यक्ष प्रशांत माळवदकर, सागर गिरी, गौरव गोसावी, रोहीत नारायणकर, अजय गोसावी, स्वप्नील नारायणकर, योगेश बाबळे, शिवा थोरात, विकास थोरात, जितेंद्र फुलकुर्ते, सचिन कोळी, शुभम माळी आदींसह नागरिक, महिला उपस्थित होत्या.
