लोहारा तालुक्यातील माकणी येथील कला विज्ञान व वाणिज्य महाविद्यालयाची विद्यार्थिनी वैष्णवी बाबासाहेब घोडके हिने फुलंब्री येथे नुकत्याच पार पडलेल्या आंतरविद्यापीठ बॉक्सिंग स्पर्धेत गोल्ड मेडलची कमाई केल्यामुळे हिची अखिल भारतीय आंतरविद्यापीठ बॉक्सिंग स्पर्धेमध्ये निवड झाली आहे.
या स्पर्धा चंदीगड विद्यापीठ मोहाली येथे होणार असून या बॉक्सिंग स्पर्धेसाठी डॉ. बाबासाहेब आंबेडकर मराठवाडा विद्यापीठाच्या महीला बाँक्सिंग संघामध्ये महाविद्यालयाची विद्यार्थिनी वैष्णवी बाबासाहेब घोडके हिची ६० किलो वजन गटामध्ये खेळल्या जाणाऱ्या बॉक्सिंग स्पर्धेसाठी विद्यापीठामार्फत निवड झाली आहे. कु. वैष्णवी घोडके हिला क्रिडाविभाग प्रमुख डॉ. ए. सी. पाटील यांचे मार्गदर्शन मिळाले. तिच्या या निवडीबद्दल भारत शिक्षण संस्थेचे अध्यक्ष अमोल मोरे, उपाध्यक्ष अश्लेष मोरे, महाविद्यालयाचे प्राचार्य. डॉ. एच. एन. रेडे, उपप्राचार्य डॉ. डी.व्ही. थोरे, क्रिडाविभागप्रमुख डॉ. ए. सी. पाटील, डॉ. अतुल बिराजदार, कार्यालयीन अधिक्षक किशोर जगताप यांनी कौतुक करून पुढील स्पर्धेसाठी शुभेच्छा दिल्या.
